Osea 8
8
1Tho e šing ando mui! O dušmano avel sar khă vulturo poa Khăr le Raiehko! Kă ušteadine o phanglimos Muŕo, thai bezexarde pai Kris Mîŕî.#Cap. 5.8; 6.7. Deut. 28.49. Ier. 4.13. Xab. 1.8.
2Atunči çîpisarăna karing Mande: „Devlla, ame Prinjeanas Tu, ame, o Israelo!”#Cap. 5.15. Ps. 78.34. Tit 1.16.
3O Israelo šudea o lašimos la skîrbasa; anda kodea o dušmano phirăla pala leste.
4Thodine thagar bi Mîŕă mothodimasa, thai šerăbară bi Mîŕă jeanglimasa, kărdine idolea andoa rup thai o sumnakai lengo: anda kodea avena xasardine.#Cap. 2.8; 13.2. 2Thag. 15.13, 17, 25.
5O guruwiç tiro sî khă skîrba, Samario! E xolli Mîŕî astardi'li pa lende! Ji kana či kamena on te nikrăn pe ujearde?#Ier. 13.27.
6O idolo kadoa avel andoa Israelo, khă buteari kărdea les, thai nai Dell. Andakodea, o guruwiçî la Samariako avela kărdino kotora!
7Andakă thodine bravall, tidena barobrîšind. Či bareola lengă khă spiko diwehko; so lulludearăla, či dela aŕo, thai kana dela, xana les le străinea.#Cap. 7.9; 10.12, 13. Pilde 22.8.
8O Israelo sî xasardino! Akana on arăsline maškar le neamurea sar khă vaso bikučimahko.#2Thag. 17.6. Ier. 22.28; 48.38.
9Kă găline ande Asiria, sar khă čiuši văšuno kai phirăl anapoda. O Efraimo dea pativa kaste avel les amal!#2Thag. 15.19. Is. 30.6. Ier. 2.24.
10Orta kana on den pativa le neamurengă, sa mekauama pa lende, kaste atărdearăn anda xançî čiro te mai makhăn vokh thagar thai raimata.#Cap. 10.10. Is. 10.8. Ezec. 16.37; 26.7. Dan. 2.37.
11Kă o Efraimo vazdea but altare kaste bezexarăl, thai le altare kadala kărdine les te perăl ande bezex.#Cap. 12.11.
12Orta kana ramo lehkă sa le mothodimata Mîŕa Krisakă, varesar on sî dikhline sar vareso străino.#Deut. 4.6, 8. Ps. 119.18; 147.19, 20.
13On denšuri le jiwine kai anen Mangă le, thai lengo mas xan les: andakodea o Rai či lel le! Akana o Rai anel Pehkă godi lengă bikrisango, thai došavela lengă bezexa: amboldena pe ando Ejipto!#Cap. 5.6; 9.3, 4, 6, 9; 11.5. Deut. 28.68. Ier. 7.21; 14.10, 12. Amos 5.22; 8.7. Zax. 7.6.
14Kă o Israelo bîstărdea Koles kai kărdea les, thai vazdea lehkă palaturea, thai o Iuda buteardea le četăçi le zureardea, anda kodea tradaua iag andel četăçi lengă, thai phabarăla lengă palate.#Deut. 32.18. 1Thag. 12.31. Is. 29.23. Ier. 17.27. Amos 2.5. Efes. 2.10.
Currently Selected:
Osea 8: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
