Galatenea 5
5
1Ašen kadea zurale thai na mekăn tume pale tala o xamo la robiako.#Cap. 2.4; 4.9. Ioan 8.32. Kărd. 15.10. Rom. 6.18. 1Pet. 2.16.
O slobozîmos o kristiano.
2Dikta, me, o Pavelo, phenau tumengă kă, kana šinena tume roata, o Kristoso či kandela tume khančesa.#Kărd. 15.1; 16.3.
3Thai phenau pale ăkh data orsave manušehkă kai lel o šindimosroata, kă sî unjile te pherăl sai Kris.#Cap. 3.10.
4Tume, kai kamen te aven dinde bibezexale ande Kris, xuladean tume le Kristosostar; pelean andoa xaro.#Cap. 2.21. Rom. 9.31, 32. Evr. 12.15.
5Kă ame, andoa Duxo, ajukăras ando pateaimos ajukărimos le bibezexalimahko.#Rom. 8.24, 25. 2Tim. 4.8.
6Kă ando Isus Kristoso, či o šindimosroata, či o nešindimosroata naile vokh potindimos, ta o pateaimos kai kărăl buti ando kamblimos.#Cap. 3.28; 6.15. 1Kor. 7.19. Kol. 3.11. 1Tes. 1.3. Iak. 2.18, 20, 22.
7Tume prasten mišto: kon šindea tumaro drom kaste na ašunen le čeačimastar?#Cap. 3.1. 1Kor. 9.24.
8O atxaimos kadoa či avel kata Kukoa kai akhardea tume.#Cap. 1.6.
9Xançî drojdea phutearăl soa xumear.#1Kor. 5.6; 15.33.
10Me, dičimasa tumende, sîma, ando Rai, o pateamos kă či den tume godi avervaresar. Ta kukoa kai biujearăl tume, phiravela e doši, orsao avela o.#Cap. 1.7. 2Kor. 2.3; 8.22; 10.6.
11Sode pa mande, phralale, kana mai dauduma poa šindimosroata, sostar mai sîm našado? Atunči o amblaimos le lopînzîmahko le trušulehko gălotar.#Cap. 4.29; 6.12, 17. 1Kor. 1.23; 15.30.
12Thai, phadeona ăkhdata kukola kai biujearăn tume!#Cap. 1.8, 9. Ios. 7.25. Kărd. 15.1, 2, 24. 1Kor. 5.13.
Phendimos te trail ando kamblimos.
13Phralale, tume sanas akhardine koa slobozîmos. Numa, na kărăn andoa slobozîmos khă zan kaste train andai lumea la phuweati, ta kanden tume iekh avrăhkă ando kamblimos.#Cap. 6.2. 1Kor. 8.9; 9.19. 1Pet. 2.16. 2Pet. 2.19. Iuda 4.
14Kă sai Kris astardeol ande khă iekh mothodimos: „Te kames te pašes sar tut orta.”#Lev. 19.18. Mat. 7.12; 22.39, 40. Rom. 13.8, 9. Iak. 2.8.
15Ta kana danddarăn tume thai xan tume iekh pe avrăn, len sama te na aven xasrde iekh avrăndar. Le kărimata le masăhkă phuwmnikano thai le Duxohkă.
16Phenau kadea: phirăn tradine le Duxostar, thai na pherăn le pofte le masăhkă la phuweako.#Vers. 25. Rom. 6.12; 8.1, 4, 12; 13.14. 1Pet. 2.11.
17Kă o mas la phuweako poftil poa Duxo thai o Duxo poa mas la phuweako; sî butea kai či daštin pe iekh avrăsa, kadea kă našti kărăn sa so kamen.#Rom. 7.15, 19, 23; 8.6, 7.
18Kana san phirade le Duxostar, či san tala e Kris.#Rom. 6.14; 8.2.
19Thai le kărimata le masăhkă la phuweakă sî prinjeande, thai sî kadala: e preakurvia, e kurvia, o biujimos, o biatărdimos,#1Kor. 3.3. Efes. 5.3. Kol. 3.5. Iak. 3.14, 15.
20o rudimos kal idolea, o drabarimos, le čiungara, le zaia, le pupuimata, le xoleaerimata, le biatearimata, le pharaimata, le xamata le partidengă,
21le xolea iekh pe aver, le mudarimata, le matimata, le xamata poa čeailimos, thai aver butea sakadea varesar kadalendar. Phenau tumengă mai anglal, sar mai phendem, kă kodola kai kărăn kadalendar butea, či avena ando Thagarimos le Devllehko.#1Kor. 6.9. Efes. 5.5. Kol. 3.6. Sîk. 22.15.
22O rodo le Duxohko, avervaresar sî: o kamblimos, o bukurimos, e pačea, o but ajukărimos, o lašimos, o kărimos le mištimahko, o pateaimos,#Ioan 15.2. Rom. 15.14. 1Kor. 13.7. Efes. 5.9. Kol. 3.12. Iak. 3.17.
23o potolimos, o atărdimos le poftengo. Anda kadala butea nai kris.#1Tim. 1.9.
24Kola kai sî le Isus Kristosohkă, karfosarde pehko mas o phuwikano andekhthan le kamblimatança thai lehkă poftença.#Cap. 2.20. Rom. 6.6; 13.14. 1Pet. 2.11.
25Kana traisaras andoa Duxo, i te phiras ando Duxo.#Vers. 16. Rom. 8.4, 5.
26Te na phiras pala khă slava întaină, xolearindoi ame iekh avrăn, thai te na dabadikhasa ame iekh avrăn.#Filip. 2.3.
Currently Selected:
Galatenea 5: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
