Galatenea 1
1
O phendimos.
1O Pavelo, apostolo na katal manuši, niči andakh manuši, ta andoa Isus Kristoso, thai anda o Dell o Dadd, kai juvindisardea Les andal mulle,#Vers. 11, 12. Kărd. 2.24; 9.6; 22.10, 15, 21; 26.16. Tit 1.3.
2thai sal phral kai sî andekhthan mança, karing le Khăngărea la Galaçiakă:#1Kor. 16.1. Filip. 2.24; 4.21.
3Xaro thai pačea tumengă kata o Dello Dadd, thai kata o Rai amaro o Isuso Kristoso!#Rom. 1.7. 1Kor. 1.3. 2Kor. 1.2. Efes. 1.2. Filip. 1.2. Kol. 1.2. 1Tes. 1.1. 2Tes. 1.2. 2Ioan 3.
4O dea pe Pes orta anda amară bezexa, kaste çîrdel ame andoa veako kadoa o jungalo, pala o kamimos le Devllehko amarăhko thai le Daddehko.#Cap. 2.20. Is. 65.17. Mat. 20.28. Ioan 15.19; 17.14. Rom. 4.25. Tit 2.14. Evr. 2.5; 6.5. 1Ioan 5.19.
5Lesti te avel e slava andel veakuri le veakurengă! Amin.
O bibešlimos le Galateiengo.
6Miri ma kă nakhăn kadea iekhatar kata Kukoa kai akhardea tume ando xaro le Kristosohko, ka aver LašiVestea.#Cap. 5.8.
7Na kă mai sî khă aver LašiVestea; ta sî iekh manuši kai biujearăn tume, thai kamen te den muial e LašiVestea le Kristososti.#Cap. 5.10, 12. Kărd. 15.1, 24. 2Kor. 2.17; 11.4, 13.
8Ta orta kana ame, or khă înjero andoa čerii avela te del tumengă duma khă LašiVestea, avervaresar anda kutea kai deam tumengăla ame duma, te avel dinoarman!#1Kor. 16.22.
9Sar mai phendem, phenau i akana: te dela tumengă duma varekon khă LašiVestea, avervaresar anda kutea kai lean la, te avel dinoarman!#Deut. 4.2; 12.32. Pilde 30.6. Sîk. 22.18.
10Ta rodau me, ande leaka kadea, te lau o lašimos le manušengo, or o lašimos le Devllehko? Rodau me te čeaileo le manušengă? Kana mai rodaoa te mai čeaileo le manušengă, nahkă mai avau o robo le Kristosohko.#1Sam. 24.7. Mat. 28.14. 1Tes. 2.4. Iak. 4.4. 1Ioan 3.19.
E LašiVestea le Pavelosti.
11Phralale, phenau tumengă kă e LašiVestea diniduma mandar, nai la anglunimos manušehko;#1Kor. 15.1.
12andakă, či lem la, čina či sîtilem la kata vokh manuši, ta andoa sîkadimos le Isus Kristosohko.#Vers. 1. Kărd. 9.1; 22.4; 26.11. 1Kor. 15.1, 3. Efes. 3.3.
13Ašundean, ande čeačimaste, sao sas muŕo phiraimos dă averdata, ando pateaimos le Iudeiengo. Sar, me rimoas mai zurales dă but e Khăngări le Devllesti, thai kăraoas nasulimos ande late;#Kărd. 8.3. 1Tim. 1.13.
14thai sar sîmas mai sîkado ando pateaimos le Iudeiengo, dă sar but anda muŕo neamo, kai sas mîŕă băršendar. Sîmas astardino zuralimasa but barimasa anda le puraimata le phurikane.#Ier. 9.14. Mat. 15.2. Marko 7.5. Kărd. 22.3; 26.9. Filip. 3.6.
15Ta kana o Dell – kai thodea ma rigate andoa păŕ mîŕa deiako, thai akhardea ma anda Pehko xaro, – arakhlea dromesa#Is. 49.1, 5. Ier. 1.5. Kărd. 9.15; 13.2; 22.14, 15. Rom. 1.1.
16te sîkavel ande mande Pehkă Šeaves, kaste vesti Les maškar le Neamurea, iekhatar, či pušlem či khă manušes,#Kărd. 9.15; 22.21; 26.17, 18. Rom. 11.13. 1Kor. 15.50. 2Kor. 4.6. Efes. 3.8. Mat. 16.17. Efes. 6.12.
17čina či ankăstem ando Ierusalimo ka kola kai sas apostolea mai anglal sar mande, ta gălem ande Arabia. Pala kodea amboldilem pale ando Damasko.
18Pala trin bărši, ankăstem ando Ierusalimo kaste kărau prinjeandimos le Chifasa, thai ašilem leste dešupanji des.#Kărd. 9.26.
19Ta či dikhlem či iekhăs avrăs andal apostolea, dă sar le Iakovos, o phral le Raiehko.#Mat. 13.55. Marko 6.3. 1Kor. 9.5.
20Ande kala kai ramo tumengă, angloa Dell, či xoxavau.#Rom. 9.1.
21Pala kodea teleardem andel phuwea la Siriakă thai la Čiličiakă.#Kărd. 9.30.
22Thai sîmas kadea biprinjeando koa mui le Khăngăreangă le Kristosohkă, kai sî ande Iudea.#Rom. 16.17. 1Tes. 2.14.
23On ašundinesas kadea phendindoi pe: „Kukoa kai mudarăllas ame ăkhdata, akana delamengăduma o pateaimos, sao rodelas te atărdearăles ăkhdata.”
24Thai slăvinas le Devlles anda mande.
Currently Selected:
Galatenea 1: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
