2 Korintenea 13
13
Kola le mai palal phendimata.
1Avau tumende anda o trito data. „Or savi orba te avel vazdini po phendimos duie or trine martorendi.”#Cap. 12.14. Num. 35.30. Deut. 17.6; 19.15. Mat. 18.16. Ioan 8.17. Evr. 10.28.
2Sar phendem, kana sîms anglal o duito data, sa kadea i ades, kana či sîm anglal, phenau pale mai anglal kolengă kai bezexarde mai anglal, thai saoŕăngă le kolavrăngă, kă, kana mai amboldaua tumende, nai te nai te ierti dăsar;#Cap. 1.23; 10.2; 12.21.
3sar tume roden khă sîkaimos kă o Kristoso del duma anda mande: O kai nai kovlo angla tumende, ta sî pherdo zor maškar tumende.#Cap. 2.10. Mat. 10.20. 1Kor. 5.4; 9.2.
4Ande čeačimaste O sas karfome ando kovlimos; ta trail andai zor le Devllesti. Sa kadea i ame sam kovle ande Leste, ta, andai zor le Devllesti, avasa pherde čivava Lesa angla tumende.#Cap. 10.3, 4. Rom. 6.4. Filip. 2.7, 8. 1Pet. 3.8.
5Tumen orta zumaven tume kana san ando pateaimos. Tumen orta zumaven tume. Či prinjeanen tume kă o Isus Kristoso sî ande tumende? Avri numai kana san šudine.#Rom. 8.10. 1Kor. 9.27; 11.28. Gal. 4.19.
6Ta çîrdau ajukărimos kă prinjeanena kă ame či sam šudine.
7Numai rudisauas le Devllehkă te na kărăn khanči nasul; na kaste dašti sîkavas ame line, ta kaste kărăn so sî mišto, orta i ame te avasa nakhade orta šudine.#Cap. 6.9.
8Kă nai ame či khă zor poa čeačimos ta andoa čeačimos.
9Ande čeačimaste, bukurisaoas kana ame sam kovle, ta tume san zurale; thai rudisaoas andoa lašardimos tumaro.#Cap. 11.30; 12.5, 9, 10. 1Kor. 4.10. 1Tes. 3.10.
10Orta anda kodea ramotumengă kadala butea, kana či sîm angla tumende, andakaste, atunči kana avaua angla tumende, te na phiravau ma zuralimasa, lašardo la zorasa kai dea mangă la o Rai andoa vazdimos, ta na andoa peraimos.#Cap. 2.3; 10.2, 8; 12.20, 21. 1Kor. 4.21. Tit 1.13.
Phendimata sastimahkă.
11Întea, phralale, aven sasteveste, lašarăn tume, zurearăn tume, aven khă duxosa, train ande pačea, thai o Dell le kamblimahko thai la pačeako avela tumença.#Rom. 12.16, 18; 15.5, 33. 1Kor. 1.10. Filip. 2.2; 3.16. 1Pet. 3.8.
12Phenen tumengă iekh avrăngă sastimos, khă čiumidimasa sfînto.#Rom. 16.16. 1Kor. 16.20. 1Tes. 5.26. 1Pet. 5.14.
13Sa le sfinçea traden tumengă sastimos.
14O xaro le Raiehko le Isus Kristosohko, thai o kamblimos le Devllehko, thai o dimos le Sfîntone Duxohko, te avel tumença saoŕănça! Amin.#Rom. 16.24. Filip. 2.1.
Currently Selected:
2 Korintenea 13: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
