2 Korintenea 10
10
O Pavelo sîkavel pehko kandimos.
1Me, o Pavelo, rudi tume, drago thai lašimos le Kristosohko, – me, kukoa „meklino tele kana sîm ande tumaro maškar, thai pherdo zuralimos pe tumende, kana sîm dureardo”,#Vers. 10. Cap. 12.5, 7, 9. Rom. 12.1.
– 2rudi tume, ta, te na kărăn ma ka, atunči kana avaua angla te prastau phendimasa koa zuralimos kodoa, kai sî ma ando gîndo te zurearau les pa iekh, kai den pehkă godi kă ame sam line pala o mas la phuweako.#Cap. 13.2, 10. 1Kor. 4.21.
3Barem kă traisaras ando mas la phuweako, ta či marasame nigărdine le masăstar la phuweakărăstar.
4Kă le armi savença maras ame, nai tala o mas la phuweako, ta sî zurale, zureardine le Devllestar kaste peraven le vazdimata.#Cap. 6.7; 13.4. Ier. 1.10. Kărd. 7.22. 1Kor. 2.5. Efes. 6.13. 1Tes. 5.8. 1Tim. 1.18. 2Tim. 2.3.
5Ame das muial le gîndurea le godimahkă thai orsao učimos, kai vazdel pe po prinjeandimos le Devllehko; thai orsao gîndo kăras les robo le ašundimahko le Kristosohko.#1Kor. 1.19; 3.19.
6Iekhatar so isprăvila pe o ašundimos kadoa andai rig tumari, sam gătime te došaras orsao biašundimos.#Cap. 2.9; 7.15; 13.2, 10.
7Koa dičimos dikhăn? Kana varekon pateal pe kă „sî le Krstosohko”, te avel les ando dikhlimos, kă pala sar o sî le Krsistosohko, sa kadea sam i ame.#Cap. 5.12; 11.18, 23. Ioan 4.6; 7.24. 1Kor. 3.23; 9.1; 14.37.
8Thai orta kana lăudiuas ma varesosa mai but le stăpînimasa, kai dea mangăles o Rai andoa vazdimos tumaro, ta na andoa peraimos tumaro, sa nahkă avel mangă lajau.#Cap. 7.14; 12.6; 13.10.
9Phenau kadea, kaste na fal kă kamau te daravau tume andel zakonuri mîŕă.
10„Kadea”, phenen on, „le zakonuri lehkă sî pharimasa thai pherde zor; ta kana sî anglal o dičimasa, sî kovlo, thai o divano lehko nai les či khă pharimos.”#Vers. 1. Cap. 11.6; 12.5, 7, 9. 1Kor. 1.17; 2.1, 3, 4. Gal. 4.13.
11Kon krisînil kadea, te avel pateamno kă, kă kadea sar bešas ando divano, andel zakonuri amară, kana či sam oče, sa kadea avasa i ando kărdimos, kana avasa anglal!
O Pavelo thai lehkă dušmaia.
12Biathadimahko, nai ame o zuralimos te thoas ame paše or ando širo iekhăngo anda kukola kai lăudin pe korkoŕo. Ta on, andoa kărdimos kă măsurin pe orta pesa thai thon pe paša peste pesa, sî biprinjeandimahko.#Cap. 3.1; 5.12.
13Ame, amengă, či lăudisaoas înteal amara măsuratar, ta ando măsurimos le rigăngă, kai thodea le o Dell le islazohkă amarăhkă kaste arăsas ji tumende.#Vers. 15.
14Či tinozosaoas mai but, sar i kana či arăsleam ji tumende, kă ande čeačimaste, ji tumende arăsleam ande LašiVestea le Kristososti.#1Kor. 3.5, 10; 4.15; 9.1.
15Či lăudisaoas pai măsura amari, kadea, či lăudisauas le čiimatănça avrăhkărănça; ta same o ajukărimos kă, kana o pateaimos tumaro bareol, bareola i o islazo amaro la buteako maškar tumende, butimasa dă but, pala e măsura amari.#Rom. 15.20.
16Kadea kă daštisa te dasduma e LašiVestea i ande le phuwea kai sî înteal tumendar, bi te šoas ame ando islazo avrăhko, kaste lăudisaoas buteança kărdine avrăstar.
17Ta,” orkon” te lăudil pe, te lăudil pe ando Rai.”#Is. 65.16. Ier. 9.24. 1Kor. 1.31.
18Anda kă na kon lăudil pe korkoŕo, avela lino, ta kukoa kai lăudil les o Rai.#Pilde 27.2. Rom. 2.29. 1Kor. 4.5.
Currently Selected:
2 Korintenea 10: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
