ಗಲಾತ್ಯೆರೆಗ್ ಪುಸ್ತಕದ ಪೊಲಬು
ಪುಸ್ತಕದ ಪೊಲಬು
ಗಲಾತ್ಯೆರೆಗ್ ಬರೆತಿ ಈ ಪತ್ರಿಕೆನ್ ಅಪೊಸ್ತಲೆ ಪೌಲು ಬರೆತಿನವು (1:1) ಕ್ರಿಸ್ತೆ ಪುಟ್ಟುದು ಸುಮಾರ್ ನಲ್ಪತೆನ್ಮಡ್ದ್ ಐವತ್ತೇಲ್ ವರ್ಸೊಲೆ ನಡುಟು ಪೌಲು ಈ ಪತ್ರಿಕೆನ್ ಗಲಾತ್ಯೊಡುಪ್ಪುನ ಸಭೆತಾಕುಲೆಗ್ ಬರೆತೆ. ಈ ಪತ್ರಿಕೆನ್ ಬರೆನಗ ಪೌಲು ಓಲು ಇತ್ತೆ ಅಂದ್ದ್ ಶಾಸ್ತ್ರ ಪಂಡಿತೆರ್ ಸ್ಪಷ್ಟ ಆದ್ ತೆರಿದಿಜ್ಜೆರ್ಡಲಾ ಆಯೆ ಎಫೆಸ ಅತ್ತ್ಡ ಕೊರಿಂಥ ಪೇಂಟೆಲೆಡ್ ಇತ್ತ್ದುಪ್ಪೆರೆಗ್ ಸಾದ್ಯ ಉಂಡು. ಪೌಲು ಗಲಾತ್ಯ ಸಭೆಟ್ ಇತ್ತಿನ ಯೆಹೂದ್ಯೆರ್ ಬೊಕ್ಕ ಪಿದಯಿದ ಜನೊಕುಲೆಗ್ಲಾ ರಡ್ಡ್ ಪಾಲ್ದಾಕುಲೆಗ್ಲಾ ಈ ಪತ್ರಿಕೆನ್ ಬರೆತೆ. ಕ್ರೈಸ್ತೆರ್ ಪರ ಒಡಂಬಡಿಕೆದ ಯೆಹೂದಿ ನ್ಯಾಯಕಟ್ಟ್ನ್, ಐಟ್ಟ್ಲಾ ಮುಖ್ಯಾದ್ ಸುನ್ನತಿನ್ ಕೈಕೊನೊಡು ಪನ್ಪಿನ ಪೊಸ ಸುಳ್ಳು ಬೋಧನೆನ್ ಖಂಡಿಸಾವೆರೆಗಾದ್ ಪೌಲು ಈ ಪತ್ರಿಕೆ ಬರೆತೆ. ಪತ್ರಿಕೆನ್ ಪಿದಯಿದ ಜನೊಕುಲು ಸುನ್ನತಿ ಮಲ್ತೊನೊಡು ಪನ್ಪಿನ ಯೆಹೂದ್ಯೆರಂದ್ದ್ ಪುದರ್ದ ಒಂಜಿ ಗುಂಪು ಅಲ್ಪದ ಕ್ರೈಸ್ತೆರೆಡ್ ಇತ್ತ್ಂಡ್. ಅಕುಲು ಪೌಲನ ಅಪೊಸ್ತಲತನದ ಅಧಿಕಾರೊನ್ಲಾ ಪ್ರಶ್ನೆ ಮಲ್ತೊಂದಿತ್ತೆರ್. ಪೌಲು ತನ ಬದ್ಕ್ದ ಮಸ್ತ್ ಸಂಗತಿಲೆನ್ ಅಕ್ಲೆಗ್ ಪನ್ಪೆ. (1:11; 2:14). ಬೊಕ್ಕ ಯೇಸು ಕ್ರಿಸ್ತನ ಮಿತ್ತ್ ನಂಬಿಕೆ ದೀಪಿನೆಡ್ದ್ ಮಾತ್ರ ರಕ್ಷಣೆ ತಿಕ್ಕುಂಡು ಪನ್ಪಿನ ಸುವಾರ್ತೆದ ಸತ್ಯೊನು ದೃಢ ಆದ್ ಪನ್ಪೆ.
ಅದ್ಯಾಯದ ರೂಪೊಲು
ಪತ್ರಿಕೆದ ಪರಿಚಯ (1:10)
ಪೌಲನ ಅಧಿಕಾರದ ಬಗೆಟ್ (1:11—2:21)
ದೇವೆರ್ ದಯ ಮಲ್ತಿನ ಸಂದೇಶ (3:1—4:31)
ಕ್ರೈಸ್ತೆರೆ ಸ್ವತಂತ್ರಲಾ ಜವಾಬ್ದಾರಿಕೆಲಾ (5:1—6:10)
ಕಡೆತ ಪಾತೆರ (6:11-18)
Currently Selected:
ಗಲಾತ್ಯೆರೆಗ್ ಪುಸ್ತಕದ ಪೊಲಬು: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature