1 थिसलूनिकी जाणकारी
जाणकारी
रोमी राज म बोळा परदेस हा बामै एक परदेस मकीदुनिया बी हो जिकी राजधानी थिसलूनिकी ही। फलिपी नगरऊँ आबा क पाछै पोलुस अठै एकोर बिस्वासी मंडळी बणाई। पण अठै बी यहूदि, दुसरी जात्यानै चोखो समचार सुणाया जाबा प इतराज कर्यो क्युं क, दुसरी जात्या चोखा समचारनै मानबा लागगी ही अर इ बातनै लेर बे पोलुसऊँ जळता हा। इ बजेऊँ पोलुस थिसलूनिकी छोडर बिरीया चलेगो। इकै पाछै जद बो कुरन्थी पुग्यो जणा पोलुसनै, सागै काम करबाळा संगी-साती तिमूतियूसऊँ बठै की बिस्वासी मंडळी क बारां म समचार लाग्या। समचार लागबा क पाछै पोलुस थिसलूनिकी की बिस्वासी मंडळीनै हिमत बंधाबा ताँई आ चिठी मांड्यो। बो बाका बिस्वास अर प्यार-परेम क बारां म सुणर बानै धनेवाद देवै ह। बो बानै बाकै सागै बिताएड़ा दिना क बारां म याद दिलावै ह। अर मसी को ओज्यु आबा का सुवाला को जुबाब देवै ह जखा, बि बिस्वासी मंडळी म पैदा होगा हा क, ज बिस्वासी मसी क ओज्यु आबाऊँ पेली मर जावै जणा बो, बि जीवन म सामिल होसी के, जखो मसी क ओज्यु आबाऊँ मिलबाळो ह? अर मसी ओज्यु कद आसी? इ मोका प पोलुस बानै बतावै ह क बि घड़ी जद थे मसी क ओज्यु आबा की बाट देखर्या हो, इ ताँई चोखा काम करबा म लाग्या रेह्ओ।
रूपरेखा
राजी-खुसी का समचार। (1:1)
धनेवाद अर बडाई। (1:2—3:13)
मसी भेवार ताँई उपदेस। (4:1–12)
मसी का ओज्यु आबा क बारां म सीख। (4:13—5:11)
आखरी उपदेस। (5:12–22)
चिठी बंद करबो। (5:23–28)
Currently Selected:
1 थिसलूनिकी जाणकारी: एस डब्लु वी
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved