1 थिसलूनिकी 1

राजी-खुसी का समचार

1 # काम 17:1 म पोलुस, आ चिठी सीलास#1:1 सीलास यूनानी म इनै सिलवानुस बोलीं हीं। अर तिमूतियूस#1:1 सीलास अर तिमूतियूस अ दोन्यु नमस्कार मांडबा की टेमई बस पोलुस क सागै हा। क सागै मिलर थिसलूनिकी नगरी का बा सगळा मिनखानै मांडर्यो हूँ, जखा परम-पिता परमेसर अर परबु ईसु मसीनै मानबा की बजेऊँ बिस्वासी मंडळीऊँ जुड़ेड़ा हीं।

परमेसर थार प दया बणाए राखै अर थानै स्यांती देवै।

थिसलूनिकी को बिस्वास

2म्हें म्हारी अरदास म थानै सदाई याद करां हां, अर थारै ताँई परमेसर को धनेवाद देवां हां। 3परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

4मेरा लाडला बिस्वास्यो, परमेसर का लाडला मिनखो म्हें जाणा हां, क परमेसर थानै खुद ताँई टाळ्यो ह। 5क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया। 6#काम 17:5–9थे कळेस क बावजुद बी पबितर आत्मा का दियड़ा आनंद क सागै परमेसर का बचननै मानर म्हारी अर परबु की जंय्यां चालबाळा बणग्या। 7अठै ताँई मकीदुनिया अर अखाया दिसावर का सगळा बिस्वास्या ताँई थे सीख देबाळो पाठ बणग्या हो। 8क्युं क थारी बजेऊँ परबु को बचन थारूँ लेर मकीदुनिया अर अखाया मई कोनी फेल्यो, पण जठै बी म्हें जावां बठै परमेसर म थारा बिस्वास की चरचा सुणा हां। जि बजेऊँ म्हानै क्युं खेबा की जुर्तई कोनी पड़ै। 9क्युं क बठै का मिनख खुदई बतावै ह क कंय्यां म्हें थारै कनै आया अर कंय्यां थे मूरत्यानै छोडर जीवता अर सचा परमेसर की सेवा करबा ताँई मुड़्या। 10अर बिकाळा बेटा ईसु मसीनै ईस्बर नगरी मऊँ ओज्यु आबानै उडिको हो, जिनै बो मरेड़ा मऊँ ओज्यु जीवायो हो, अर बोई आपानै परमेसर का आबाळा परकोपऊँ बचा सकै ह।

Currently Selected:

1 थिसलूनिकी 1: एस डब्लु वी

Highlight

Copy