Cepanyah 2
2
Smbbeyax Seediq Ppriyux Lnglungan
1-2Seediq ini ba kela qnsiqa!
Gisu ini eyah ka pnosa kari,
mptena lepi mugi mpkuuka ka ali,
seang Utux Tmninun we ini eyah dyamu na,
tgberah ali seang na nii,
asi namu ka psseli, psseli kana.
3Kana seediq psbiciq mbahang gaya bneku Utux Tmninun nii bobo dxeral!
Sai migin ka Utux Tmninun,
gimi ka msderux noda, gimi ka tgseesu.
Nhuwa tduwa mgleing ali mseang ka Utux Tmninun ciida.
Qnhdean Qlhangan Siyo Israel
4Maha laxun ka Ajah,
ma bbuyu ka Asqelon.
Lwaqun ceka naali ka seediq Asdod,
gbilun peeyah pusu ka Eqron uri.
5Sntali namu bale! Dseediq Keretiy gaga ssiyo rcilung!
Ddxeral dseediq Kenaan ma Peliset! Kari Utux Tmninun nii mseang yamu:
Pqhdeun namu na ma ani 1 uxe mpkrangi meeniq.
6Mpkbuyu ka dxeral namu ssiyo rcilung,
nniqun dmtabu ma tbugun rahul miric.
7Ngalun dseediq mtngari tnsapah Yehudah ka dxeral nii.
Mosa tmabu tnbugan hiya ka dheya,
keeman we mptaqi sapah Asqelon ka dheya.
Ado Utux Tmninun, Utux Baro daha we mpqlahang dheya,
mpbrinah ka dseediq qnerac.
8Mnbahang ku nii smrutiq kari ka Moab, nii tmsiiyax mseang ka seediq Amon.
Gisu tmsiiyax mseang seediq mu ka dheya,
psparu bale ma, kmremux dxeral daha.
9Rmengo ka Utux Tmninun Mdoi Kana Supi, Utux Baro nuIsrael:
Kiya we mpsdehu ku knuudus mu ani knuwan:
Maha mntena Sedom ka Moab,
maha mntena Amorah ka seediq Amon,
maha ma dxeral niqan pako, beling timu ma, dxeral nlaxan ani knuwan.
Dseediq mtngari ka mosa gmeluk dheya,
Mtngari muudus qlhangan mu ka mosa mangal dxeral kiya.
10Ririh pnsparu daha kiya ka meeyah dheya ka oda nii,
psparu bale ka dheya,
smngayan mseang dseediq Utux Tmninun Mdoi Kana Supi ka dheya.
11Mpsiicu dheya ka Utux Tmninun,
ado mpkuuka duutux bobo dxeral ka heya.
Dqlhangan gaga ckceka rcilung we gaga thmuku nniqan daha nanak uri.
12Yamu seediq Kusu!
Wada phqilun hlmadac mu uri.
13Mphkero baga na mccebu quri tgdaya ka Utux Tmninun,
mpselaq Asur,
mpkuuka Nineweh,
mpkdengu mntena tadus brenux.
14Tnbugan, kiya ka lmlamu camac ka meeyah tnlibu hiya,
tekung ma pada we mptnrudu dnamux sapah.
Niqan hrenang rmengac ka bnlingan,
naqah ka rhengun,
moda smeeliq qrtinuh qulic bale ka heya.
15Alang mqqaras klaali ma, mtbleyaq meeniq,
rmengo ka lhebun namu: Wano ba yaku, uka ani ima wano ba yaku.
Saya ngalun bbuyu, ngalun saan msange meeniq camac!
Kana mnoda hiya we mptghulis mkuwak baga daha kana.
Currently Selected:
Cepanyah 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
