Cepanyah 1
1
1Mqbsuran paru Yehudah ka Yosiyahu laqi Amon ciida, meeyah Cepanyah kiya ka lmutuc lqlaqi laqi Xijqiyah, lqlaqi laqi Amaryah, laqi laqi Gedalyah ma, laqi Kusi ka kari Utux Tmninun.
Ali Psgeegan Utux Tmninun
2Rmengo ka Utux Tmninun:
Qhdeun mu pqhedu kana ka ani maanu bobo dxeral.
3Qada mu ka seediq ma, camac,
phqilun mu ka qbheni gaga karac ma, qcurux gaga ckceka rcilung,
btunux daun skripuc ma, dseediq naqah.
Qhdeun mu pkuuka peeyah bobo dxeral ka seediq.
Rnengo Utux Tmninun ka nii.
4Mpeeyah ku baga mcebu ku Yehudah ma,
kana seediq Yerusalem.
Qada mu ka tnhmkuwan Baal dxeral nii ma,
dmsapuh niqan ngayan tnhmuku tikung ma dmsapuh.
5Dungal we tnhmuku hido, idas, ppngerah bobo dnamux ma,
dseediq mnoda smdehu tmiyu tnhmuku Utux Tmninun,
kiya we wada mosa smdehu utux Milkom dungal.
6Qada mu ka wada tbrinah ini snegul Utux Tmninun,
ini ging Utux Tmninun ma, ini plawa smiling heya.
7Asi namu ka tgseesu meeniq berah Utux Tmninun Bukung,
ado uxe beyo dehuk ka ali Utux Tmninun da.
Mhedu psramal snapuh ka Utux Tmninun,
dseediq pnlawa na we, psnakun na prtaso.
8Dehuk ka bbege snapuh ali Utux Tmninun,
mpkdira ku dqbsuran mdudul ma, lqlaqi rseno qbsuran paru ma,
dseediq gaga mlukus lukus seediq icil.
9Betaq ali ciida, mpkdira ku dseediq mnoda mtaril rhengun,
stngayun mu kmmhemuc ma mptraki ka sapah tnpusu na.
10Betaq ali ciida, mpeeyah hrenang mbasi ka rhengun Qcurux,
mpeeyah hrenang mnbasi mlawa ka tg2 lualang,
mpeeyah paru ba hrenang smgaliq ka cenga ddgiyaq.
Rnengo Utux Tmninun ka nii.
11Seediq ga meeniq Maktes! Tgbasi mlawa ka yamu,
ado mphuqil kana ka mbaruy,
wada phqilun kana ka mnapa ging.
12Ciida, mdoi ku hhiru ma migin ku Yerusalem,
pkdraun mu ka seediq gaga tbsukan ba sino.
Lmngelung ka lhebun daha:
Uxe mpeeyah qmbleqan ka Utux Tmninun ma, uxe mpeeyah pkdira uri.
13Dnoi daha we qhdeun heya gmeeluk,
sapah daha we sliqun.
Sapah snmalu daha we, uxe daha niqun.
Qnpahan daha lipas we, uxe miimah sino pneeyah ckceka hiya.
14Ali paru Utux Tmninun we smdaling da,
smdaling ma uxe beyo meeyah.
Hrenang ali Utux Tmninun ka kiya,
Mpdiras lmingis hiya ka mnpahung ba supi.
15Ali kkseengan ka ali kiya,
ali mqraqil ma pqrqilun,
ali hrahan smeeliq,
ali mnkuung hnqilan,
ali bungan plabu mnkuung,
16ali hrenang iyuk ma diras,
ali mccebu lualang mkere,
mccebu paga lualang paru.
17Pyahun mu heyi seediq ka mqraqil nii,
knksaan daha we mntena seediq mbudu,
ado wada niqan qnquwan noda daha Utux Tmninun ka dheya.
Dara daha we hrigun pntena so qbulic dxeral,
pntena so quti qmada ka heyi daha.
18Ali seang Utux Tmninun ciida,
uxe mpdoi baga dheya ka king ma ging daha.
Rana puniq snhuran pneeyah Utux Tmninun ka mooda psqama kana dxeral,
mooda smtali ba smeeliq dseediq kana bobo dxeral.
Currently Selected:
Cepanyah 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
