Jekaryah 5
5
Patis Qniri Skiya so Utux
1Qmita ku baro dungal, qtai! Niqan 1 patis qniri wada skiya karac. 2Smiling kenan ka heya: “Qmita su manu?” Rngagan mu “Qtaan mu ka 1 patis qniri wada skiya karac, 20 sese ka qndisan, 10 sese ka knuglahang.” 3Rmengo kenan ka heya: “Nii we gisu peeyah sniyus quri kana ddxeral. Kana mpgeeguy we asi ka phqilun spoda kari patis nii. Kana mnberiq smdehu we asi ka phqilun spoda kari patis nii. 4Rmengo so nii ka Utux Tmninun Mdoi Kana Supi: Saun mu mege nganguc ka patis nii, mpremux sapah mpgeluk ma, mptgesa inu ka sapah tmniyu ngayan mu mnoda mberiq smdehu. Mpsange sapah na ma, mpkuuka kana ka sapah, qhuni ma btunux hiya.”
Mqedil Ckceka Ssengan so Teutux
5Meyah dungal ka snkgulan baro ma rmengo kenan: “Pquri baro qmita, manu ka qntaan su?” 6Slingan mu: “Maanu ka nii ho?” Rngagan ku na: “Qyqeya ssengan ka nii.” Dungal we rmengo: “Doriq na ka nii, gisu mkkesa qmita kana bobo dxeral.” 7Qtai! Mtumun gmukan gemuk snmalu xiluy bbali we wada daha spheal baro, niqan 1 mqedil gaga tleung ckceka ssengan hiya. 8Rmengo ka snkgulan: “Qnquwan noda ka nii.” Kiya de ckulun na ckceka ssengan hiya ka mqedil ma, bungun na quwaq ssengan nii ka gemuk snmalu xiluy bbali. 9Kiya de qmita ku baro, qtai! Meeyah ka 2 mqedil, niqan bgihur ka ckceka palic daha, mntena qbheni deerang ka palic daha. Phlanun daha ka ssengan ma, psdooyun daha cenga karac ma dxeral. 10Slingan mu ka snkgulan rmnengo kenan: “Desun daha inu ka ssengan nii ho?” 11Rngagan ku na: “Spheal daha mosa Sinar ma, mosa smmalu sapah na. Mhedu psramal de, psaun na bobo spilan na hiya.”
Currently Selected:
Jekaryah 5: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
