Jekaryah 4
4
Camo King so Utux
1Snkgulan rmnengo yaku we meyah tmutuy kenan, mntena so mntaqi gisu ttuyun. 2Smiling kenan: “Qmita su maanu?” Cyukan mu: “Qmnita ku da, qtai! Niqan 1 camo king, bobo na hiya ka 1 pngerah abura. Pcmagan nii we niqan 7 camo ma knkingal we niqan 7 galiq cmagan. 3Ssiyo camo we niqan 2 pusu curung, 1 we gaga narac, 1 we gaga iril.” 4Slingan mu ka snkgulan rmnengo yaku: “Bukung! Gisu tmgesa manu ka nii?” 5Rmengo ka snkgulan rmnengo yaku: “Ini su klai gaga tmgesa manu ka nii ho?” Cyukun mu: “Bukung! Ini ku kela.”
Sntangan Bnege na Jirubabil ka Utux Baro
6Cmiyuk kenan ka heya: “Rnengo na Jirubabil ka kari Utux Tmninun nii. Rnengo so nii ka Utux Tmninun: Uxe smtama beyax qmlahang, uxe smtama knkela moda, asi ka sntama Bgihur mu, kiya ka mtduwa dehuk moda. 7Dgiyaq paru! Manu ba ka isu? Meeniq su berah Jirubabil we, maha su pbrnexun. Btunux pnsaan na tgbaro ba we, mpkdira mlawa ka seediq: Tai so huwe, mpquri sapah thmkuwan nii ka huwe!” 8Kari Utux Tmninun we meeyah kenan, rmengo: 9“Baga Jirubabil ka snpusu sapah thmkuwan nii, asi ka baga na ka mpqhedu qnpahan nii. Kiya ka maha su klaun, Utux Tmninun Mdoi Kana Supi ka snkagul kenan mosa yamu hiya. 10Ima ka smbiciq qmita oda ali nii ho? Qmita gaga dmoi negul btunux ka baga Jirubabil de, mpqaras ka dheya. 7 camo king nii we doriq Utux Tmninun, gisu mkkesa qmita kana dxeral.”
11Smiling ku snkgulan Utux Baro: “Maanu tnugesa na ka 2 pusu curung ssiyo cmagan gaga ho?” 12Dungal we smiling ku heya: “Manu tnugesa na ka gaga ssiyo 2 quwaq king hhrigan abura curung king ka 2 cida curung ho?” 13Rmengo kenan ka heya: “Ini su klai gaga tmgesa manu ho?” Rngagan mu: “Ini ku ba kela.” 14Rmengo ka heya: “2 hnrigan abura nii we, gisu mheyu ssiyo Bukung kana ddxeral.”
Currently Selected:
Jekaryah 4: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
