Jekaryah 13
13
1Meeniq ali ciida, ririh qnquwan noda ma mrutiq, mpraguh 1 hrean qsiya bbege mu sapah Dawid ma dseediq Yerusalem.
2Rmengo ka Utux Tmninun Mdoi Kana Supi: “Meeniq ali ciida, mpkuuka ku ngayan tikung bobo dxeral ka yaku, uxe mu plnglungun ka dheya. Uxe mu pniqun dmpgeela kari ka dxeral nii, kiya ka mpkuuka ka bgihur mpsrutiq. 3Nasi ida rmengo kari pgeela ka seediq we, ida mprengo heya ka tama ma bubu tnlaqi heya: Uxe su mpkuudus ka isu, ado mberiq su pooda ngayan Utux Tmninun rmengo kari mberiq. Rmengo kari pgeela ciida ka heya we, phqilun tama ma bubu tnlaqi ka heya. 4Ali ciida, kana rmnengo kari pgeela ka mpgeela kari we, mpqsiqa rnengo na so tuutux ka dheya, kiya de uxe mplukus lukus ubal mpqberiq seediq ka dheya. 5Mprengo ka heya: Uxe ku mpgeela kari, mpqeepah ku dxeral. Tnqliyan ku seediq peeyah lqlaqi. 6Niqan seediq mprengo heya: Luqah manu ka gaga cenga 2 baga su ho? Rmengo ka heya: Nngalan mu luqah meeniq ku sapah dangi mu ka nii.”
Phqilun ka Mtabu
7Rmengo ka Utux Tmninun Mdoi Kana Supi:
Hlmadac! Tutui osa mccebu mtabu mu,
sai mccebu ka dadal na!
Sbeti ka mtabu, kiya ka mpkrehak ka miric da.
Yaku ka mpeeyah baga mcebu tgbiciq na.
8Seediq bobo dxeral nii,
2 tnugtruwan we mphuqil,
1 tnugtruwan we mpsngari kiya.
Rnengo Utux Tmninun ka nii.
9Psengun mu poda rana puniq ka 1 tnugtruwan seediq,
duhun mu ka dheya, mntena so muduh ging.
Psengun mu ka dheya, mntena so ni pseung king.
Mlawa ngayan mu ka dheya we,
mpciyuk ku dheya ka yaku.
Mprengo ku: Seediq mu ka nii.
Mprengo ka dheya: Utux Tmninun ka Utux Baro mu.
Currently Selected:
Jekaryah 13: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
