Pntuura 20
20
10'00 Knkawas
1Taan mu dungal mtuting peeyah baro ka 1 snkgulan baro. Baga na we ga dmoi rangah uka pusu ma 1 xiluy bbekuy. 2Qrapun na ka quyu ubung, kiya ka quyu cbeyo. Nii we Qbsuran Bgihur Naqah, Satang. Bnkegan na betaq 10'00 knkawas da. 3Sqada na ckceka rangah uka pusu. Lebun na ka rangah uka pusu de, btaqan na ngayan pnskraya ka bobo na. So kiya de, so uxe mosa psridil kana qnlhangan, asi ka betaq 10'00 knkawas. Bobo na nii de, maha sraguh tnnais ka heya.
4Taan mu dungal ka dtluungan, ga tleung hiya we niqan pusu beyax ga sbege dheya. Taan mu dungal ka duutux bgihur seediq ririh pgkela Yesu ma, kari Utux Baro wada ngalun tunux we, ga mtheyaq ini thmuku camac kiya ma tikung camac kiya ma, uka ngayan pnskraya ka kduruk daha ma baga daha. Dheya we wada muudus peeyah hnqilan, gisu mtheyaq Kiristo mpqbsuran paru betaq 10'00 knkawas. 5Nii we kiya ka plaale ba muudus peeyah hnqilan. Ini kuudus ka duma nhuqil seediq, asi ka betaq mttuku ka 10'00 knkawas da. 6Meniq tgplaale muudus peeyah hnqilan nii we bale niqan qnbleyaq ma mrtaso da! Uka pusu beyax meniq heyi daha ka mtg2 hnqilan. Kiya de, dheya we mppsapuh nuUtux Baro ma nKiristo, mpsuupu Kiristo mpqbsuran paru betaq 10'00 knkawas.
Ini Baka ka Satang
7Mttuku ka 10'00 knkawas da, rraguh peeyah sapah kuung ka Satang. 8Meyah psridil qnlhangan bobo dxeral. Kiya ka Gog ma Magog, so maha mseli mccebu ka dheya so ba bnaquy kneegu daha. 9Meyah stenge kana bobo dxeral ka dheya, qbrangun daha ka ga niqan dseediq mrtaso ma lualang ga sgaalu Utux Baro. So kiya de niqan ka puniq mtuting peeyah baro, wada psqama dheya. 10Qbsuran Bgihur Naqah pnsridil dheya we, wada sqada rcilung puniq ga sqama. Kiya ka ga niqan camac ma mnnangi mpgeela kari. Pqrqilun diyan ma keeman ani betaq knuwan uka psteqan.
Qnhdean Psgao
11Taan mu dungal 1 bhege tluungan paru ma ga tleung hiya. Qduriq peeyah berah na ka karac ma dxeral. Ini daha slai ka nniqun daha da. 12Taan mu ka dseediq wada mhuqil, ani bcbiciq ma ani prparu gisu mheyu berah tluungan. Gisu rwahan ka pnatis da. Gisu rwahan ka 1 patis knuudus. Kana seediq mnhuqil we ga spooda pnatis patis nii cmiyuk psgao ndaan daha meepah. 13So kiya de, rcilung we sbege na ka dseediq wada mhuqil ga ckceka na. Hhuqil ma mkuung hnqilan uri we sbege na ka dseediq wada mhuqil ga ckceka na. Spooda na qneepah daha psgeegun dheya. 14Wada sqada ckceka rcilung puniq ka hhuqil ma mkuung hnqilan. Rcilung puniq nii we kika tg2 hhuqil. 15Kana uka ngayan na ga meniq patis knuudus we, wada sqada ckceka rcilung puniq.
Currently Selected:
Pntuura 20: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
