Pntuura 18
18
Mtakur ka Babirun
1Bobo na nii de, taan mu ka 1 dungal snkgulan baro niqan paru pusu beyax na pneeyah baro meyah truma. Dxeral de ririh knledax na gisu lmedax. 2Paru bale hrenang na rmengac,
“Mtakur da! Mptakur ka Babirun paru da!
Heya we wada ma sapah dbgihur naqah,
ma rangah nniqun kana bgihur mrutiq,
ma rudu kana qbheni mrutiq,
ma nniqun kana camac naqah mrutiq.
3Ado dqnlhangan we mnimah sino paru seang hnmetan na.
Dqbsuran paru bobo dxeral we kmmhemuc msuupu taqi heya.
Dmpsbaruy bobo dxeral we ririh qnsdiqan na riyung de mbleyaq bale.”
4Mbahang ku 1 hrenang dungal pneeyah baro:
“Seediq mu! Latac peeyah ckceka alang kiya!
So namu uxe rruun qnquwan na,
uxe namu maangal pncahu na.
5Ado qnquwan noda na we asi dehuk baro,
Utux Baro we mkela ini ksderux noda na.
6Hmuwa mesa ndaan na seediq we, maha so kiya ka cmiyuk heya uri.
Krnahun cmiyuk spooda noda na.
Krnahun piimah sgimax pngerah mahan dnoi na.
7Hmnuwa mesa pkledax heya, hmuwa mesa qnbleyaq we,
maha so kiya ka mqraqil ma tnsdaring na uri.
Ado ga rmengo ka lhebun na:
‘Yaku we nii ku tleung tluungan nmqedil qbsuran,
uxe ku mqedil mqrinuc,
uxe ku psterung tsdamac.’
8Maanu so kiya de, 1 bale ali de, pqnaqah na we asi suupu meyah kana
Kiya ka hhuqil, tsdamac ma, krayan.
Qhdeun psqama puniq ka heya.
Ado paru beyax ka Utux Baro Bukung mpsgeegun hiya.”
9Dqbsuran paru mntheyaq mnhemuc mtaqi ma msuupu tbleyaq we maha mita qrengul mpsqama heya. So kiya de maha mptngedux lmingis heya. 10Ado miicu pnqrqilan mqedil nii de mpstheya mheyu rmengo:
“Smtali bale! Smtali bale! Paru alang nii!
Babirun alang paru mgdehu!
Tnais bale ndaan, asi eyah ka ppsgao sunan da.”
11Dmpsbaruy bobo dxeral we mplingis ma mptsdamac heya uri. Ado uka ka mbaruy qyqeya daha da. 12Qyqeya nii we kika king, xiluy ging, btunux qrari, mtumun bhege, tninun malu ware keguy, tninun mgtdiyuc, ware kuyi, tninun tqwilaq mtanah ma, lmlamu klegan qhuni skenux, lmlamu klegan qyqeya snmalu waqic dapa bukung ma, kana qyqeya snmalu qhuni mkere brigan ma snmalu xiluy limuk, xiluy ma, btunux tqwilaq. 13Dungal we nike, ricuh malu sknexan, skenux ppsqama, abura skenux, geluq skenux, sino, abura curung, nemu mugi, baso, dapa, miric, dmay, rulu dmay, tnqliyan ma, seediq.
14“Wada smtheya isu ka gnhei qhuni kuxul su.
Kana malu uuqun ma qyqeya knmalu we,
wada peeyah isu hiya mpuuka,
uxe su qtaan da.”
15Wada pqblequn mqedil nii ka dmpsbaruy so qyqeya nii we, ado miicu pnqrqilan heya de, tsdamac lmingis mstheya mheyu.
16Rmengo: “Smtali bale! Smtali bale! Alang paru nii!
Heya we wada mlukus tninun malu ware keguy,
mgtdiyuc ma lukus tqwilaq mtanah,
pndpingan king, btunux qrari ma, mtumun bhege.
17Asi kuuka tnais bale ndaan kana ka kneegu qnbleqan nii da.” Kana kiya de kana qbsuran asu ma kana seediq ga paapa asu ani inu ma mdudul ma mpqeepah asu ma mptqsiya we smtheya mheyu kana. 18Mita qrengul puniq psqama heya de, mdiras rmengo: “Ga inu ka psengun mntena alang knparu nii ho?” 19Kiya de murus bengux dxeral bobo tunux daha ka dheya ma, tllingis mdiras tsdamac rmengo:
“Smtali bale! Smtali bale! Alang paru nii!
Kana niqan asu ga ckceka rcilung we,
ririh malu qyqeya na betaq mbleyaq.
Heya we wada asi kuuka tnais bale ndaan.
20Karac baro, dseediq mrtaso, dsnkgulan ma, dmpgeela kari!
Ririh heya qqrasi kana namu.
Ado Utux Baro we wada dmayo rmengo yamu meniq heyi na da.”
21Niqan 1 paru beyax snkgulan baro pstutuy 1 btunux, mntena so paru glangan, sqada na ckceka rcilung ma, rmengo:
“Babirun alang paru,
maha so nii uri kmbyaxun qmada toma,
uxe su qtaan da.
22Hrenang mtubu ma mpuuyas,
hrenang spgao ma mpiiyuk,
uxe bhangun dungal ckceka su hiya da.
Msalu kana ani maanu snmalu,
uxe taun dungal ckceka su hiya da.
Hmrenang glangan we,
uxe bhangun dungal ckceka su hiya da.
23Knledax camo,
uxe pkledax dungal ckceka su hiya da.
Hrenang riso ma weewa pstrengun we,
uxe bhangun dungal ckceka su hiya da.
Dmpsbaruy su we kiya ka prparu bobo dxeral we,
wada qbriqun knsttuxan su ka kana qnlhangan da.
24Dara dmpgeela kari, dseediq mrtaso ma, dseediq wada phqilun we, gisu slayun ckceka alang nii da.”
Currently Selected:
Pntuura 18: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
