Pntuura 15
15
7 Snkgulan Baro ga Dmoi Qnhdean Mpqnaqah
1Qtaan mu dungal, ga niqan 1 paru ba sklwiun pnskraya ka karac baro. Kiya ka 7 snkgulan baro ga dmoi qnhdean 7 mpqraqil. Ado ga mttuku riyung ckceka 7 mpqraqil nii ka paru seang Utux Baro da.
2Qmnita ku so hari rcilung gagi ga gmaxun puniq. Qtaan mu uri ka mnbeyax camac ma tikung camac ma, ga niqan spegan ngayan na we, ga mheyu bobo rcilung gagi hiya. Dheya we ga dmoi tubu nuUtux Baro. 3Dheya we ga muuyas uyas Moseh tnqliyan Utux Baro ma wawa miric, muuyas:
“Bukung, Utux Baro Pusu Beyax!
So sklwiun bale ma paru bale ka qneepah su!
Qbsuran paru kana qlhangan,
msderux noda ma bale ba ka elu su!
4Bukung! Ima ka ini kiicu isu?
Ima ka ini bege knledax ngayan su?
Ado wano isu ka mrtaso.
Meeyah kana ka seediq,
meyah thmuku berah su,
ado wada truura ka msderux noda su da.”
5Bobo na hiya de, qmnita ku ga mtraguh ka Sapah Mrtaso Thmkuwan baro ga pniqan kobu Utux Baro. 6Ga dmoi 7 mpqnaqah ka 7 snkgulan baro we mcriyu peeyah Sapah Mrtaso Thmkuwan. Dheya we ga mlukus lukus mbasi mbhege riyung tnunan malu ware keguy. Berah daha we ga pskretan habik king. 7Ckceka 4 muudus we, niqan 1 we ga na sbege 7 snkgulan baro ka 7 psaan snmalu king ga stngayan paru seang Utux Baro betaq ani knuwan. 8Ckceka Sapah Mrtaso Thmkuwan hiya we ga stngayan knledax Utux Baro ma pusu beyax na. Uka seediq mtduwa mremux hiya, asi ka betaq mhedu ptuting 7 pqnaqah ka 7 snkgulan baro.
Currently Selected:
Pntuura 15: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
