Pntuura 12
12
Mqedil ma Quyu Ubung
1Mcriyu 1 paru pnskraya ka baro: Niqan 1 mqedil ga mlukus hido. Ga qmleqah idas ka papak na, tunux na we ga kbunuh bunuh knledax niqan 12 pngerah. 2Ga mchedil ka heya. Meniq ckceka hlidan mptnlaqi ciida we tddiras mlawa knnarux na. 3Meyah mcriyu pnskraya ka baro dungal: Niqan 1 quyu ubung mtanah. Niqan 7 ka tunux, 10 ka urung na. 7 tunux na we ga qmbunuh 7 bunuh knledax. 4Ngungu na we ga tmulus 1 tnugtruwan pngerah, sqada na bobo dxeral. Bobo na de, quyu ubung de, mheyu berah mqedil mptnlaqi. Ga tmara tnlaqi de uuqun na ka laqi na. 5Mqedil we tmlaqi 1 rseno, kiya ka mpdoi hukuc xiluy mpqlahang kana qlhangan. Laqi na we wada desun Utux Baro ma tluungan na hiya. 6Qduriq tadus brenux ka mqedil, meniq hiya ka heya we pnsramal nniqun na ka Utux Baro. So maha meniq hiya dngaun 12'60 ali.
7Nii mtgdiyal ka baro. Mikael we msuupu snkgulan na tgdiyal quyu ubung. Quyu ubung ma msuupu snkgulan na uri we mtutuy mtgdiyal. 8Wada ini baka ka dheya da. Kiya de uka nniqan daha ka baro da. 9Paru quyu ubung nii we kiya ka quyu ncbeyo. Ngayan na we Qbsuran Bgihur Naqah, Satang kesun tmngayan uri. Heya ka mpsridil kana bobo dxeral. Wada sqada dxeral ka heya de, kana snkgulan na we wada spuun qmada uri. 10Bhangan mu paru hrenang peeyah baro, rmengo:
“Huwe mdoi baga, beyax ma qnlhangan Utux Baro mu,
pnheyu na ka pusu beyax Kiristo we ga meyah saya da.
Ado kiya ka ga meniq berah Utux Baro ta,
diyan ma keeman ga migin qnnaqah rmengo mtswai ta we,
wada sqada truma da.
11Ririh dara wawa miric wada mbeyax quyu ubung ka mtswai,
ririh kari pnkela daha nanak.
Ani wada mhuqil, dheya we ida ini kraguh knuudus daha.
12Maanu so kiya de, karac baro ma kana meeniq ckceka na we,
qqaras kana ka yamu!
Kiya de bobo dxeral ma rcilung we, niqan paru mqraqil!
Ado Qbsuran Bgihur Naqah we klaun na llebu ka ali na,
kiya de tsseang bale wada yamu hiya da.”
13Quyu ubung we, taan na gisu sqada dxeral ka heya de, meyah phuqil mqedil tnlaqi rseno. 14Kiya de, niqan 2 palic qdiro ga sbege mqedil nii. So maha skiya tadus brenux, mosa nniqan na nanak, tgleing quyu kiya. Heya we mosa pdanga hiya maha 1, 2 dmeka diyax. 15Ga meeniq bukuy mqedil ka quyu. Melaq qsiya pneeyah quwaq na ka quyu, mntena so yayung, ppqluli na ka mqedil nii. 16Dmayo mqedil nii ka dxeral. Rmaguh quwaq na rmequn qsiya pneeyah quyu ubung nii. 17Quyu ubung de mseang mquri mqedil, mosa mccebu lqlaqi mqedil. Kiya ka muyu kari pnosa Utux Baro, pnugkela Yesu. 18Ciida, ga mheyu ssiyo bnaquy rcilung ka quyu ubung.
Currently Selected:
Pntuura 12: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
