Pntuura 10
10
Snkgulan Baro ma Pnatis Biciq
1Kiya de taan mu 1 dungal ka snkgulan baro niqan paru beyax mtuting peeyah karac baro. Mlukus plabu, tunux na we niqan hako utux. Dqeras daha we mntena hido, papak daha we mntena eruc puniq. 2Ga dmoi pnatis biciq ka baga na. Ga qmleqah rcilung ka narac papak na, ga qmleqah dxeral ka iril papak na. 3Paru quwaq daha mdiras, mntena rkelic rudu mdiras. Mhedu mlawa de, peeyah hrenang ka 7 mbruwa. 4Bobo mnhedu phrenang ka 7 mbruwa de, kmptasun mu de, mbahang ku hrenang peeyah baro: “Rnengo 7 bruwa we, gmuki iya ptsani.” 5Ntaan mu ga qmleqah rcilung ma qmleqah dxeral ka snkgulan we ga mquri karac pheyu narac baga na. 6Tmiyu smnalu karac ma knuudus ga karac, dxeral ma knuudus ga dxeral ma, rcilung ma knuudus ga rcilung, muudus betaq ani knuwan we ga psdehu, rmengo: “Uxe tghetur ka ali da.” 7Maanu so kiya we, ali mpiyuk iyuk ka tg7 snkgulan baro ciida we, mpttuku ka lneing Utux Baro da. Mntena rnengo Utux Baro mquri mpgeela kari tnqliyan na.
8Hrenang bnhangan mu plaale pneeyah karac baro we, ga dmurun kenan dungal: “Osa, sai mangal desi hini ka pnatis ga baga snkgulan baro kiya ka gisu qmleqah rcilung ma qmleqah dxeral.” 9Kiya de mosa ku snkgulan baro hiya, rmengo ku heya, so biqun ku na yaku ka pnatis biciq. Rmengo yaku ka heya: “Desi isu ka nii, uqi kana ka kiya. Maha mngihur ka nbuyas su. Ani so kiya we maha cheya riyung ka quwaq su.” 10Kiya de ngalun mu pneeyah baga snkgulan baro ka pnatis biciq, wada mu uqun da. Bale ba cheya riyung ka quwaq mu. Bobo mnekan ku de, so hari mngihur ka nbuyas mu. 11Rmengo yaku ka snkgulan baro: “Asi su ka tmiyu egu klegan seediq, qnlhangan, klegan kari ma, qbsuran paru rmengo dungal kari pgeela.”
Currently Selected:
Pntuura 10: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
