Popular Bible Verses from Pntuura 10

Share

Maanu so kiya we, ali mpiyuk iyuk ka tg7 snkgulan baro ciida we, mpttuku ka lneing Utux Baro da. Mntena rnengo Utux Baro mquri mpgeela kari tnqliyan na.

Rmengo yaku ka snkgulan baro: “Asi su ka tmiyu egu klegan seediq, qnlhangan, klegan kari ma, qbsuran paru rmengo dungal kari pgeela.”

Kiya de taan mu 1 dungal ka snkgulan baro niqan paru beyax mtuting peeyah karac baro. Mlukus plabu, tunux na we niqan hako utux. Dqeras daha we mntena hido, papak daha we mntena eruc puniq.

Kiya de mosa ku snkgulan baro hiya, rmengo ku heya, so biqun ku na yaku ka pnatis biciq. Rmengo yaku ka heya: “Desi isu ka nii, uqi kana ka kiya. Maha mngihur ka nbuyas su. Ani so kiya we maha cheya riyung ka quwaq su.” Kiya de ngalun mu pneeyah baga snkgulan baro ka pnatis biciq, wada mu uqun da. Bale ba cheya riyung ka quwaq mu. Bobo mnekan ku de, so hari mngihur ka nbuyas mu.