Spegan 33
33
Peeyah Micrayim Betaq Moab
1Ndaan dseediq Israel mnlatac Micrayim meniq baga Moseh ma Aharon ka nii. 2Muyu tnugesa Utux Tmninun ka Moseh, spatis na kana ka ndaan daha. Ndaan daha mkleelu we so ni: 3Tgkingal idas, kiya ka ali 15 mntaril tg2 ali smseman hrnasan ciida, dheya we theruy peeyah Rameses, pheyu tunux mlatac peeyah berah doriq seediq Micrayim ka dheya. 4Ciida, dseediq Micrayim we ga smeku bqerus tgqbsuran laqi daha rseno, kiya ka pnhuqil Utux Tmninun. Utux Tmninun we wada pkdira duutux daha ka heya uri.
5Theruy peeyah Rameses ka dseediq Israel ma, pkobu Sukot. 6Peeyah Sukot theruy ma pkobu Etam meniq ssiyo tadus brenux. 7Therui peeyah Etam, mquri Piy Haxirot gaga sipo Baal Cepon ma, pkobu Migdol. 8Therui peeyah Piy Haxirot mnoda rcilung ma mremux tadus brenux. Mk3 ali knksaan daha meniq tadus brenux Etam. Kiya de pkobu Marah. 9Therui peeyah Marah de meyah Elim. Elim hiya we niqan 12 pusu hrean qsiya ma, 70 sbiki paru. Kiya de pkobu hiya ka dheya. 10Therui peeyah Elim ma, pkobu ssiyo rcilung Mtanah. 11Therui peeyah rcilung Mtanah pkobu tadus brenux Sin. 12Therui peeyah tadus brenux Sin pkobu Dopqah. 13Therui peeyah Dopqah pkobu Alus. 14Therui peeyah Alus pkobu Repidim. Meniq hiya ciida, uka qsiya mahun daha ka seediq. 15Therui peeyah Repidim pkobu tadus brenux Sinay. 16Therui peeyah tadus brenux Sinay, pkobu Qibrot Hataawah. 17Therui peeyah Qibrot Hataawah Xacerot. 18Therui peeyah Xacerot pkobu Ritmah. 19Therui peeyah Ritmah pkobu Rimon Perec. 20Therui peeyah Rimon Perec pkobu Libnah. 21Therui peeyah Libnah pkobu Risah. 22Therui peeyah Risah pkobu Qehelatah. 23Therui peeyah Qehelatah pkobu dgiyaq Seper. 24Therui peeyah Seper pkobu Xaradah. 25Therui peeyah Xaradah pkobu Maqhelot. 26Therui peeyah Maqhelot pkobu Taxat. 27Therui peeyah Taxat pkobu Tarax. 28Therui peeyah Tarax pkobu Mitqah. 29Therui peeyah Mitqah pkobu Xasmonah. 30Therui peeyah Xasmonah pkobu Moserot. 31Therui peeyah Moserot pkobu Beney Yaaqan. 32Therui peeyah Beney Yaaqan pkobu Xor Hagidgar. 33Therui peeyah Xor Hagidgar pkobu Yatbatah. 34Therui peeyah Yatbatah pkobu Abronah. 35Therui peeyah Abronah pkobu Ecyon Geber. 36Therui peeyah Ecyon Geber pkobu tadus brenux Cin, kiya ka dxeral Qades. 37Therui peeyah Qades pkobu dgiyaq Hor gaga ayus dxeral Edom.
38Bobo mnlatac peeyah dxeral Micrayim tg40 knkawas ka seediq Israel, ali 1 idas 5 ciida, Aharon msapuh we muyu tnugesa Utux Tmninun mosa dgiyaq Hor ma mhuqil hiya ka heya. 39Mnhuqil dgiyaq Hor ciida ka Aharon we 1'23 knkawas na. 40Qbsuran paru Arad seediq Kenaan meniq Negeb dxeral Kenaan, mnbahang gisu hini ka dseediq Israel.
41Therui peeyah dgiyaq Hor ka seediq Israel pkobu Calmonah. 42Therui peeyah Calmonah pkobu Punon. 43Therui peeyah Punon pkobu Obot. 44Therui peeyah Obot pkobu Iyey Haabarim gaga meniq dxeral Moab. 45Therui peeyah Iyey Haabarim pkobu Dibon Gad. 46Therui peeyah Dibon Gad pkobu Almon Diblatayim. 47Therui peeyah Almon Diblatayim pkobu dgiyaq Abarim berah Nebo. 48Therui peeyah dgiyaq Abarim pkobu ssiyo yayung Yarden dxeral breenux Moab sipo Yerixo. 49Pkobu meniq breenux Moab, pkobu ssiyo yayung Yarden peeyah Bet Haysimot betaq Abel Hasisim ka dheya.
Tnugesa Berah Mpntaril Yayung Yarden
50Meniq dxeral breenux Moab ssiyo yayung Yarden ma sipo Yerixo ciida, rmengo Moseh ka Utux Tmninun: 51“Tgsai ka dseediq Israel: Mtaril namu yayung Yarden mremux namu dxeral Kenaan ciida, 52asi namu ka lwaqun peeyah berah namu ka dseediq mneniq hiya. Pstemaq kana ka tikung snmalu btunux ma xiluy. Kiya uri ma hrahi kana ka spuhan utux daha. 53Angal ka dxeral kiya ma eniq hiya. Ado wada mu sbege yamu ka dxeral kiya di. 54Pooda pnsnakan pnswayan rdrudan namu oda blebil qreti maasu namu dxeral: Egu ka seediq we asi ka egu sbege dxeral. Biciq nanak ka seediq we asi ka biciq sbege dxeral uri. Kenu nangal namu de, dxeral kiya ka nheya. Yamu we asi namu ka spuyu pnswayan rdrudan namu maasu dxeral kiya. 55Nasi namu ini lwaqi peeyah berah namu ka dseediq hiya de, maha mpkpako ckceka doriq ma pako ckceka hwiras namu ka dseediq hiya. Kiya uri ma prudu yamu meniq nniqan namu ka dheya uri. 56Mpeeyah kenan ka mqita dheya, mntena so qmita yamu.”
Currently Selected:
Spegan 33: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
