Naxum 2
2
Mtakur ka Nineweh
1Meeyah berah su ka seediq pknemu sunan.
Mqita qbrangan, mpqlahang elu,
pskere ka hwinuk su, pniqi beyax.
2Mpstutuy knledax Yakobu ka Utux Tmninun,
mntena so pstutuy Israel.
Ado qmnleeqah dheya ka dmpqeepah na,
mnoda smeeliq cida lipas daha.
3Qqeerung heyi mnpahung supi na we mtanah,
mlukus lukus mtanah kana ka supi.
Ali psramal mccebu ciida,
mntena puniq tqwilaq ka rulu mccebu,
mnhedu pheyu ka riduy smbrangan daha.
4Tmalang mooda elu alang ka rulu mccebu,
kmmhemuc mooda knuglahang psliyan,
tqwilaq mtena rana puniq,
skiya so ledax tqwilaq.
5Splawa na ka dqbsuran supi,
tgcikul mtakur meyah ka dheya,
asi osa bobo harac qnalang alang,
psramal hmetur mpkremux.
6Wada sraguh ka hnetur yayung,
sladu ptakur ka sapah qbsuran paru.
7Pndungus oda ka nii:
Pbrasun qmeraq maadis ka mqedil qbsuran paru,
mptena so byugu tsdamac lmingis.
8Mlatac peeyah cbeyo ka Nineweh we,
mntena so qsiya hnetur.
Saya mpqduriq kana ka seediq:
“Heyu! Heyu!”
kiya we uka ka mbrinah.
9Gleeki ka king!
Gleeki ka xiluy ging!
Ado egu ba ka skuun namu,
ini qlengi smepu ka malu ba qyqeya.
10Nlaxan, bbuyu ma, sbruhuwan,
miicu ka lhebun seediq, mkrkerang ka papak daha,
mnarux ka hwinuk, mgsama kana ka dqeras daha.
11Lhengo rkelic rudu,
gaga inu rudu dngaan na wawa rkelic rudu ho?
Mkkesa ka balas rkelic, bubu rkelic ma, wawa rkelic,
gaga inu ka uxe mpkiicu dheya ho?
12Qmnada camac hnliqan baus rkelic rudu we tuku uqun wawa rkelic rudu,
dungal we phuqil camac bege na bubu rkelic rudu uri,
stngayan camac ka lhengo na,
betaq stngayan cnilaq camac ka rudu na.
13Qtai! Kmpais ku sunan, psqmaun mu ma msbengux ka rulu mccebu na ma, hlmadac we mphuqil mbeyax rkelic rudu. Phqilun mu kana ka camac bobo dxeral, uxe pnpusal bhangun ka hrenang snkgulan. Rnengo Utux Tmninun Mdoi Kana Supi ka nii.
Currently Selected:
Naxum 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
