Naxum 1
1
1Rnengo na quri Nineweh, patis tuutux qntaan Naxum seediq Elqos.
Mseang Nineweh ka Utux Tmninun
2Utux Tmninun we Utux Baro snhuur ma, cmiyuk.
Utux Tmninun we cmiyuk ma, niqan paru seang.
Cmiyuk pais na ka Utux Tmninun,
mseang ba ma cmiyuk qnnaqah,
qmriqu ba pais na ka heya.
3Ini mmhemuc mseang ma niqan paru beyax ka Utux Tmninun,
Utux Tmninun we ini na ngali uka qnquwan noda ka niqan qnquwan noda.
Elu na we gaga meeniq bgihur mspgeriq ma bgihur paru,
dxeral meeniq toma papak na ka plabu.
4Mseang rcilung ma pkdengu rcilung ka heya,
dmengu kana yayung ka heya.
Pqnaqah Basan ma Karmel,
pkdengu phepah Lebanon.
5Ririh heya pkrkerang ka dgiyaq paru,
msqsiya ka dgiyaq biciq uri.
Dnduyung berah na ka dxeral,
so kiya meeniq berah na ka kana bobo dxeral ma meeniq ckceka na hiya.
6Mseang ka heya de ima ka mpdehuk mheyu ho?
Ima ka dehuk knremun seang paru na ho?
Asi pncriyu so rana puniq ka seang na,
ririh heya mtnemu ka tasil.
7Pusu ba malu ka Utux Tmninun,
qmlahang seediq meeniq ali mqraqil ka heya,
mkela dseediq smtama heya ka heya.
8Kiya we mntena rnecux moda mubung dxeral,
dungal we prmuxun na lmiwaq kuung ka pais.
9Manu ka gaga namu lnglungun mccebu Utux Tmninun ho?
Mpkuuka kana ka heya,
uxe na mnpusal ptutuy ka pais.
10Mtena namu so pako mkkadi,
mntena namu so seediq bbsukan,
mntena so mndengu tnemu lepi mugi wada psqmaun kana.
11Niqan 1 seediq mpeeyah isu hiya,
mplmngelung qnnaqah, smmalu naqah oda mccebu Utux Tmninun.
12Rmengo so nii ka Utux Tmninun:
Ani paru ba ka beyax ma seediq daha,
ida mu sqetun ma mpkuuka.
Ani ku pnqraqil sunan,
uxe ku mnpusal pqraqil sunan.
13Saya, sqetun mu peeyah heyi su ka kudo na,
mplhelah ku snuyuk mnekuy sunan.
14Wada posa kari tmiyu rmengo sunan ka Utux Tmninun:
Ngayan daha we uxe hhiti rmangi lqlaqi laqi hiti.
Mooda ku pkuuka tikung qnequr ma nuduh namu,
ririh knsbiciq su, mpsramal ku habung sunan.
15Qtai! Niqan dapil gmarang malu kari ma tmgesa mtbale ka dgiyaq.
Yehudah! Osa smseman su,
sai cmiyuk ka sndhegan su!
Ado uxe meeyah smeeliq sunan ka seediq naqah,
wada phqilun ka heya da.
Currently Selected:
Naxum 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
