Mikah 6
6
Mseang Israel ka Utux Tmninun
1Qbahang kari Utux Tmninun:
Tutuy, pquri ddgiyaq rmengo,
so maha mbahang hrenang su ka ddgiyaq.
2Kana ddgiyaq! Qbhangi ka kari tniyu Utux Tmninun!
Pusu dxeral ani betaq knuwan we, qbahang!
Ado mosa migin kari dseediq na ka Utux Tmninun,
mosa mpkseang rmengo Israel ka heya.
3Seediq mu! Manu ka wada mu daun sunan ho?
Manu ka pnkhngeras ku isu ho?
Ququ rmengo kenan!
4Dmnudul ku isu mnlatac peeyah dxeral Micrayim,
dnoi ku baga sunan peeyah sapah tnqliyan,
snkagul ku Moseh, Aharon ma Miryam dmudul berah su.
5Dseediq mu! Lnglungi wada hmuwa moda ka Balaq qbsuran paru Moab cbeyo,
wada hmuwa mesa cmiyuk heya ka Bilam laqi Beor.
Lnglungi ndaan peeyah Sitim betaq Gilgal,
so namu mosa mkela qmeepah Utux Tmninun we msderux noda.”
Pnesa Utux Tmninun
6Mtqita ku Utux Tmninun,
thmuku ku berah Utux Baro Tgpusu Ba Baro, manu ka bege mu snapuh heya ho?
Yaa wawa dapa 1 knkawas ka snapuh mu psqama mtqita ku heya ho?
7Yaa mpqaras mangal 10'00 baus miric ka Utux Tmninun ma,
mpqaras mangal ini psetuq hmeru abura curung ka heya ho?
Ririh qnnaqah mu nanak tduwa ku mege tgqbsuran laqi mu,
ririh qnquwan noda mu nanak mege snapuh laqi mu nanak ho?
8Seediq bobo dxeral! Utux Tmninun we tena tmnugesa manu ka kesun malu.
Manu ngngalun na peeyah sunan?
Wano ba qmeepah msderux noda ma, smkuxul gmaalu,
posa ba tgsesu lhebun ma, msuupu mkkesa Utux Baro su.
9Mlawa alang nii ka Utux Tmninun,
psparu ba qmita ngayan su, ado niqan knkela,
qbhangi ka seediq meeyah pkdira ma moda pkdira.
10Sapah seediq naqah we, uxe gaga niqan pila pneeyah uxe msderux ma,
mseang de wada asi tgbiciq ka igipa ho?
11Nasi ku dmoi sseung mberiq ma,
dmoi ku sseung mberiq lubuy lukus mu,
yaa ku tduwa kesun uka qnuqu ho?
12Seediq niqan pila we mooda oda kmmhemuc,
dseediq lualang hiya we rmengo kari mberiq,
mberiq kana ka pneeyah quwaq daha.
13Kiya de, mcebu ku sunan ma, mpluqah su,
ado mpkiicu sunan ka qnquwan noda su.
14Mekan su ma uxe su mpktengi,
ida muure ka nbuyas su.
Hdelun su daha icil, uxe su mpqduriq.
Mntena so qnduriq we, ida mu sbege hlmadac kiya.
15Mhuma su ma uka ka qnbrungan su.
Qmepu su curung ma, uka ka abura sricuh heyi.
Niqan ka sino bgurah, uka ka miimah na.
16Ado muyu su gaya Amriy,
qmneepah su kana noda tnsapah Axab ma,
thei su kana kndaun na.
Kiya de, laxun mu ka isu,
phlisun seediq ka seediq su,
mpheal namu qnsiqa seediq mu ka yamu.
Currently Selected:
Mikah 6: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
