Mikah 5
5
1Seediq nii msseli! Saya, psseli so supi ka yamu.
Gisu meyah kmremux ita ka supi,
mdoi hukuc mcebu dqeras dqbsuran mdudul Israel ka pais.
Niqan Beyax Mpqlahang Sntangan Utux Baro Mpeeyah Betlexem
2Betlexem dxeral Eprat!
Tgbiciq su ba meeniq lualang Yehudah,
mpeeyah isu hiya ka kingal,
ririh yaku ma niqan beyax mpqlahang ckceka Israel.
Pusu ba pnrdingan na we pneeyah cbeyo, ida niqan da pneeyah pnrdingan.
3Kiya de, Utux Tmninun ge, sbege na pais ka seediq Israel,
betaq dmoi laqi na rseno ka mqedil mnchedil.
Ciida, mtswai na mnsngari we,
ida maha mbrinah dseediq Israel hiya.
4Heya we mpstama beyax Utux Tmninun,
mpstama Utux Tmninun, ngayan knpruwan Utux Baro na,
mpheyu ma mptabu,
kiya ka mpbleyaq meeniq.
Ado maha ngalun paru ka heya,
betaq muxi dxeral.
5Maadis ptbale ka nii.
Ddoi Baga ma Pkdira
Pkelu ba kmremux dxeral ta ka Asur,
moda qmleqah sapah qbsuran paru,
kiya ka pheyu ta 7 mtabu,
meyah cmebu dheya ka 8 qbsuran mdudul.
6Mdoi hlmadac moda smeeliq dxeral Asur ma,
rhengun dxeral Nimrod ka dheya.
Pkelu gisu kmremux dxeral ta ciida,
qmleqah ayus dxeral ta ciida,
heya ka mpdoi baga ita.
7Seediq mtngari Yakobu,
meeniq namu ckceka kana klegan seediq we,
mntena namu so dremus ptingun Utux Tmninun,
mntena quyux gmhuriq speriq uri.
Ini stama seediq,
ini psmeyah seediq bobo dxeral ka dheya.
8Meeniq ckceka kana qlhangan ka mnsngari seediq Yakobu,
meeniq ckceka klegan seediq,
mntena so rkelic rudu gaga ccamac ckceka nrao,
mntena wawa rkelic rudu gaga ckceka rahul miric.
Nasi moda hiya ka heya we, ida moda qmleqah ma smeeliq,
uka seediq meeyah dmayo.
9Tai so mptutui ka baga su ma, mpgkala supi!
Tai so qhdeun pkuuka kana ka pais su!
10Rmengo ka Utux Tmninun: Betaq ali ciida,
mpkuuka ku dapa dmay ckceka namu,
mpselaq ku rulu mccebu namu.
11Mpkuuka ku lualang ckceka qnlhangan su,
mpselaq ku kana qbrangan su.
12Lixun mu ka mstuutux baga su,
uxe mpniqan mpsbunul ka isu hiya.
13Ptkurun mu peeyah ckceka su ka tikung ma eruc btunux qnriyan,
kiya de uxe su mpthmuku snmalu baga su nanak.
14Mphurah ku Aserah peeyah ckceka su,
mpselaq ku lualang su.
15Meeniq ku seang ma paru seang mu hiya,
mciyuk ku dqlhangan ini qbahang kenan.
Currently Selected:
Mikah 5: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
