Mikah 1
1
1Qmlahang qlhangan Yehudah ka Yotam, Axaj, Yexijqiya dqbsuran paru ciida, meeyah Mikah seediq Moras ka kari Utux Tmninun, quri ooda Samareia ma Yerusalem qntaan na so tuutux.
Muuyas Uyas Mbasi ka Mpgeela Kari
2Kana seediq! Qbahang kana namu!
Dseediq bobo dxeral, tgleus mbahang!
Utux Tmninun Bukung we mpeeyah sapah thmkuwan na,
mptiyu qnnaqah namu.
3Tai! Mplatac peeyah nniqan na ka Utux Tmninun,
meeyah bobo dxeral ma mkkesa bungu dgiyaq.
4Mrubu toma na ka ddgiyaq,
mhurah ka dduayu,
mntena so rusuq msqsiya sqama,
mntena so rnecux tmbenu iyiayu.
5Ririh qnquwan noda Yakobu ka kana nii,
ado qnquwan noda sapah Israel.
Gaga inu ka qnquwan noda Yakobu ho?
Uxe gaga Samareia peni?
Gaga inu ka spuhan Yehudah ho?
Uxe gaga Yerusalem peni?
6Maanu so kiya, ngalun mu qnada qnpahan ka Samareia,
phmaun mu lipas.
Qada mu ayu ka btunux na,
hrahun mu ka pusu alang.
7Ptnmean pstemaq kana ka tikung alang hiya,
psqmaun mu puniq kana ka pila ndaan daha mmhemuc msuupu,
sgliqun mu kana ka tikung na.
Ado gnutu pila pneeyah mqedil kbrexan,
ida mosa pila dmqedil kbrexan ka kiya.
8Kiya de mpdiras ku lmingis,
pkdasi ku mkkesa.
Mptena ku so huling bbuyu tmedux,
mntena rodux wili ka rengac naqah kuxul.
9Ado uxe pkmalu ka luqah Samareia,
gisu mrana betaq Yehudah,
betaq rhengun alang seediq mu,
betaq Yerusalem.
Smdaling Yerusalem ka Pais
10Iya sai rmengo Gat ka noda nii,
iya bale lngisi.
Pniqi meeniq Bet Leaprah,
msperik meeniq ckceka qbulic.
11Dseediq Sapei! Pbberas psqai pooda dxeral hiya,
iya latac nganguc sapah ka seediq Caanan,
Mplingis ka Bet Haecel ma uxe mpdayo yamu.
12Maha pslhebun ka seediq Marot, mptara mangal qmbleqan,
ado pkdira we gisu peeyah Utux Tmninun betaq rhengun alang Yerusalem da.
13Dseediq Lakis! Posa dapa dmay mkela tmalang ka rulu.
Ado pneeyah yamu ka qnquwan noda dweewa Sion,
truura peeyah yamu hiya ka qnquwan noda Israel.
14Kiya de sai mege Moreset Gat ka lnabu.
Ida mdoi pkraki dqbsuran paru Israel ka tnsapah Akjib.
15Dseediq Maresah!
Pyahun mu yamu hiya ka mpgeluk.
Dmbbleyaq seediq Israel we mosa Adulam kiya.
16Yehudah! Ririh dlqlaqi kuxul su,
sai muyuh ka tunux ma, kgusi tunux namu,
pkmurang ka tunux namu, ptnaani so qdiro buyuh pkmurang,
ado wada qrapun mlatac peeyah yamu ka dheya.
Currently Selected:
Mikah 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
