Yonah 4
4
Seang Yonah ma Gnaalu Utux Baro
1Ini bale qqaras quri so oda nii ka Yonah, betaq mseang. 2Kiya de dmurun Utux Tmninun ka heya, rmengo: “Utux Tmninun! Kiya ka rnengo mu meeniq ku alang mu ciida ka nii peni? Klaun mu niqan su gnhuwe ka isu. Utux Baro niqan gnaalu, ini knhemuc mseang ma, stenge gnaalu su. Dungal we kmpryuxun su ka lnglungan su ma, uxe su mpeeyah pqraqil kiya. Ririh so nii, kiya ka asi ku qduriq mquri Tarsis! 3Utux Tmninun! Saya, braho su ngali ku hiya ka knuudus mu ho! Ado Nuuqu ku malu mhuqil ka muudus ku.” 4Rmengo heya ka Utux Tmninun: “So nii ka seang su we, ya malu ho?”
5Mosa nganguc alang ka Yonah, tleung tgquri nklaan hido alang. Smalu 1 kobu nheya nanak. Tleung saso truma kobu ka heya ma, mqmita maha so hmuwa ka alang. 6Utux Baro Tmninun we psramal 1 pusu nuqah. Pkdkilun na hmrinas Yonah de, muubung tunux na ka saso. Kiya de so uxe mpqraqil ka heya. Ririh keguy nii de, mqaras bale ka Yonah. 7Mgrebu ba so kusun, Utux Baro we psramal 1 kuyi meyah qmiyuc keguy nii, kiya de asi kdengu da. 8Mnkala hido ciida de, psramal bgihur mtilux riyung peeyah nklaan hido ka Utux Baro. Pthido tunux Yonah ka hido, betaq mkuni ka heya de asi pesa qnhuqil na ka heya, rmengo: “Nuuqu malu mhuqil ka muudus ku!” 9Rmengo Yonah ka Utux Baro: “Ririh keguy gisu so nii ka seang su, malu ho?” Cmiyuk ka heya: “Ani ku betaq mhuqil ka seang mu we, ida malu kana!” 10Rmengo ka Utux Tmninun: “Uxe ndaan bqerus su ka nuqah nii, uxe isu ka pndakil heya uri. Mndakil 1 rabi ma mddengu mhuqil 1 rabi we ida su krwahun bale. 11So kiya de, Nineweh alang paru nii we, niqan 12 mang dseediq ini kela psaanak narac ma iril baga ka hiya, niqan egu ba tnbugan uri. Uxe mu krnahun kmraguh ho?”
Currently Selected:
Yonah 4: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
