Matay 8
8
Pkmalu Seediq Msburo Heyi
(Mrk 1:40-45. Ruk 5:12-16)
1Hmeruc peeyah dgiyaq ka Yesu de hbaro bale seediq ka smnegul heya. 2Tai, niqan ka 1 mnarux msburo heyi meyah tmbqelic heya, rmengo: “Bukung! Nasi su smruwa, mtduwa ba pkbgurah heyi mu.” 3Tmelung heya ka Yesu, rmengo: “Smruwa ku. Pkbgurah ka heyi su da!” Kiya de asi pkbgurah ka msburo heyi na. 4Rmengo heya ka Yesu: “Qlahang ba ka isu, iya rrngaani ani ima. Wano osa pqita msapuh hiya. Kiya de pygaani gaya Moseh saani smapuh. So su maha pgkela seediq.”
Pkmalu Tnqliyan Qbsuran Supi
(Ruk 7:1-10)
5Mremux Kaparnaom ka Yesu, niqan ka qbsuran 1'00 supi meyah heya ma dmurun heya. 6Rmengo: “Bukung! Tnqliyan mu we ga mnarux ini klgelu heyi, ga mksaro mtaqi sapah ma gaga hlidun knnarux na.” 7Rmengo heya ka Yesu: “Saun mu pkmalu ka heya.” 8Cmiyuk rmengo ka qbsuran 1'00 supi: “Bukung! Meyah su sapah mu we ini ku pnuglengu kiya. Ani wano rmengo su 1 kari de mpkmalu ka tnqliyan mu da. 9Ado yaku we gisu ku qlhangan pusu beyax. Truma mu uri we niqan dungal ka supi, nasi ku rmengo mesa: ‘Osa’, ida asi ka mosa. Rmengo ku heya: ‘Aguh’, ida meyah ka heya. Rmengo ku tnqliyan mu: ‘Qpahi ka nii’, ida mosa qmeepah ka heya.” 10Mskluwi bale ka Yesu wada mbahang, kiya de rngagan na ka seediq smnegul: “Bale ba rngage maku: So nii knparu snhiyan we ani ckceka Israel, uxe mu ba ntaan. 11Rngage maku, niqan ka hbaro ba seediq kndalax nklaan hido ma pryaxan hido, mpsuupu tleung Abraham, Yijxaq ma Yakobu meeniq Qnlhangan Baro. 12Lqlaqi nqnlhangan ta we maha sqada mnkuung nganguc. Mptngedux lmingis ma qnqetu rupun hiya.” 13Yesu we rngagan na ka qbsuran 1'00 supi: “Osa! Pnooda snhiyan su keso misu pttuuku da!” Pkelu ciida, wada pklmeun ka tnqliyan na da.
Pkmalu Mnarux Seediq
(Mrk 1:29-34. Ruk 4:38-41)
14Mremux meyah sapah Petros ka Yesu, taan na ga mnarux mtilux mtaqi qlapo hiya ka payi Petros. 15Yesu de tlengun na ka baga na de, asi kuuka ka kntlexan na da. Kiya de mtutuy dima smbleyaq Yesu.
16Gbiyan de desun daha Yesu hiya ka hbaro ba seediq ga qrapun bgihur naqah. Wano 1 ba kari ka heya de pqdriqun na ka dbgihur naqah. Wada na pklmeun ka kana mnarux seediq uri. 17Maha pbale ba kari rnengo Isaya mpgeela kari:
“Mpririh knuuwic ta ka heya,
wada mapa knrnexan ta.”
Psramal Smnegul Yesu
(Ruk 9:57-62)
18Yesu we mita hbaro bale seediq tmlibu heya, kiya de rmengo maha mtaril mosa sipo hiya. 19Niqan ka 1 mptpatis meyah rmengo heya: “Mptgesa, ani su mosa ani inu, ida ku mpsnegul sunan.” 20Rmengo heya ka Yesu: “Rqebux we niqan beling. Qbheni we niqan rudu. Kiya de ani kesun saan tpnuwan Laqi seediq we uka bale.” 21Niqan 1 dungal ka tnugsaan na rmengo Yesu: “Bukung! Braho su posa ku preus tama mu han.” 22Rmengo ka Yesu: “Sai prmeus dseediq mhuqil ka dseediq wada mhuqil. Snegul kenan ka isu!”
Pgseesu Bgihur Ma Rcilung
(Mrk 4:35-41. Ruk 8:22-25)
23Wada ptapa asu ka Yesu de smnegul heya ka tnugsaan na. 24Tai, asi lux psbarah paru bgihur ka bobo rcilung. So rrqenun bula rcilung ka asu. Gaga mtaqi ka Yesu. 25Meyah tmutuy heya ka tnugsaan na, rmengo: “Bukung! Dyagi nami. Mphuqil miyan da!” 26Rmengo dheya ka Yesu: “Seediq biciq ba snhiyan! Ma namu miicu bale ho?” Kiya de mtutuy ka Yesu dima kseengun na ka bgihur ma rcilung de mgmelux bale ka bgihur ma rcilung da. 27Mskluwi bale ka hbaro seediq, mpprengo: “Seediq ba mmaanu ka nii ho? Mbahang heya kana ka bgihur ma rcilung.”
Pqduriq Bgihur Naqah
(Mrk 5:1-20. Ruk 8:26-39)
28Dehuk dxeral sipo seediq Gadara hiya ka Yesu. Niqan 2 seediq gisu qrapun bgihur naqah peeyah habung we nii smterung Yesu. Mnpahung bale ka dheya, kiya de uka ani ima ka moda elu hiya. 29Tai, nii mdiras mlawa ka dheya: “Laqi Utux Baro, maanu ka pnugluban ta isu ma daha yami? Ini dehuk ka ali nana, nii su meyah hini pqraqil su yami ho?” 30Theya hari, niqan ka 1 qpuruh egu ba babuy gaga mekan uqan daha. 31Mesa Yesu ka dbgihur naqah nii, rmengo: “Nasi su kmliwaq yami, skguli nami mosa ckceka qpuruh babuy!” 32Rmengo dheya ka Yesu: “Osa!” Kiya de mlatac ka dheya, mremux ckceka babuy. Tai, kana qpuruh babuy wada tmalang priyax kdere skrebu rcilung ma mhuqil ckceka qsiya da. 33Qduriq mosa alang ka dmtabu babuy. Saan na rmengo seediq ka kana noda nii ma quri so noda seediq qnerac bgihur naqah uri. 34Tai, meyah nganguc smterung Yesu ka kana seediq ckceka alang. Mita heya de, dmurun ba heya, osa mlatac peeyah dxeral daha.
Currently Selected:
Matay 8: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
