Matay 3
3
Yohane Mptgaya Smino
(Mrk 1:1-8. Ruk 3:1-18. Yoh 1:19-28)
1Ali ciida, meyah ka Yohane mptgaya smino. Gmarang kari tadus brenux Yudaya: 2“Pryuxi lnglungan namu, ado smdaling ka Qnlhangan Baro da!” 3Seediq nii we kika rnengo Isaya mpgeela kari:
“Meeniq tadus brenux, niqan ka hrenang gaga mlawa:
Psramal elu Bukung,
psderux elu na.”
4Mlukus ubal dapa bukung ka Yohane nii ma hmabik qraqil hwinuk. Mekan beyuq walu bbuyu ma utun. 5Ciida, meyah berah Yohane ka seediq Yerusalem, kana Yudaya ma dseediq ga ssiyo yayung Yarden. 6Meyah smneru qnquwan nooda daha, ptgaya psino ckceka yayung Yarden hiya.
7Yohane we taan na meyah ptgaya psino ka hbaro bale seediq Parisay ma Sadokay. Kiya de rmengo dheya: “Dlutuc quyu naqah! Ima ka wada pgkela yamu pqduriq seang mmeyah ho? 8Pghei ba mndungus so pnryuxan lhebun ka yamu. 9Iya kesa rmengo ka lhebun namu: ‘Niqan Abraham ka pusu rudan nami.’ Rngage maku, Utux Baro we tdwaun na smalu lqlaqi laqi Abraham peeyah bbtunux nii! 10Saya tena wada psaun pusu qhuni ka puru. Maanu so kiya de ini pgheyi malu ka kana qhuni we sqetun ma qada puniq. 11Dmoi ku qsiya ptgaya smino yamu, pgkela priyux lnglungan yamu. Kiya de, so ka mmeyah tgbukuy mu nii we mgkala kenan beyax na. Yaku we ini ku mnuglengu ani ddidil ramil na. Heya we Bgihur Utux ma puniq ka sptgaya na smino yamu. 12Dmoi tbesan mugi ka baga na, kragun na ka sbetan. Psaun na repun ka mugi ma psqmaun na puniq ini kpahung ka lepi.”
Ptgaya Psino ka Yesu
(Mrk 1:9-11. Ruk 3:21-22)
13Ciida, peeyah Galil meyah ptgaya psino Yohane yayung Yarden hiya ka Yesu. 14Yohane we satang na so hterun ka heya, rmengo: “Naka yaku ka mmoda ptgaya psino sunan, ma su lux meyah kenan ka isu da ho?” 15Cmiyuk rmengo heya ka Yesu: “Srwai ku hiya ka saya han. Asi ka mooda meepah so nii kana msderux ka ita.” Kiya de smruwa heya ka Yohane da. 16Pntgaya psino ka Yesu, gisu hani nkala peeyah qsiya. Tai, ado heya traguh ka karac. Taan na mntena so byugu ka Bgihur Utux Baro meyah mtuting staril heyi na. 17Qtai, peeyah karac baro ka hrenang, rmengo: “Nii we laqi kuxul mu, qrasun mu bale ka heya.”
Currently Selected:
Matay 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
