Yehosua 23
23
Kari Hntiyan Yehosua
1Utux Tmninun we bsiyaq ba ali ptblequn na meniq ckceka dpais pneeyah ssiyo ka dseediq Israel. Rudan bale ka knkawas Yehosua. 2Kiya de mlawa psseli kana ddrudan seediq Israel, dmpdudul, dmpsgao, dqbsuran ka Yehosua. Rmengo dheya: “Rudan knkawas mu da. 3Wada namu qtaan bale doriq namu ka kana ririh yamu noda Utux Tmninun, Utux Baro quri dqnlhangan nii. Utux Tmninun, Utux Baro namu we, rmirih yamu mccebu. 4Qtai! Wada mu spooda blebil qreti maasu mege pnswayan rdrudan namu ka msngari dqlhangan. Kiya uri we peeyah yayung Yarden mquri pryaxan hido rcilung Paru. 5Utux Tmninun, Utux Baro namu we, lwaqan na peeyah berah namu ka dheya. Mlatac peeyah yamu ka dheya de, maha namu mangal dxeral daha ka yamu. Mntena sntangan na yamu ka Utux Tmninun, Utux Baro namu. 6Pniqi paru pahung ka yamu, tleus muyu kana kari pnatis patis gaya Moseh. Iya bale sridil. 7Iya bale tgimax seediq dqnlhangan gaga msrangi hiya. Iya plawa ngayan duutux daha ma, smdehu quri dheya. Iya bale qeepah dheya ma, thmuku dheya. 8Wano ba snegul Utux Tmninun, Utux Baro namu, mntena so noda namu saya. 9Ado Utux Tmninun we, wada namu na pqdriqun peeyah berah namu qlhangan dmbbeyax ma dprparu nii. Betaq saya, uka ani 1 ka tduwa mheyu berah namu. 10Taxa seediq namu we mpsdurak 10'00 heyi. Ado Utux Tmninun, Utux Baro namu we, mpuyu sntangan na yamu mpririh yamu mccebu ka heya. 11Asi namu ka qmlahang riyung. Glaani ka Utux Tmninun, Utux Baro namu. 12Nasi namu asi alix, betaq namu smnegul, ppaangal mqedil ma mtheyaq dqlhangan mtngari ckceka namu de, 13klai bale, Utux Tmninun, Utux Baro namu we, uxe na lwaqun peeyah berah namu ka dheya. Dheya de, maha so durang, tlenga, mpsebuc hwiras ma, pako ckceka doriq namu ka dheya. Betaq namu mhuqil bobo malu dxeral bnege Utux Tmninun, Utux Baro namu nii.
14Qtai! Saya we, mooda ku elu ddaun seediq bobo dxeral da. Yamu we pskingal bale lhebun ma lnglungan namu klai bale, kana sntangan bnege na snbleqan na yamu ka Utux Tmninun, Utux Baro namu we, uka ka ini oda, ida wada daun heyi namu kana da. 15Wada huwa mesa meniq heyi namu ka kana snbleqan sndhegan Utux Tmninun, Utux Baro namu we, ida maha so kiya meeyah heyi namu uri ka mqraqil pneeyah Utux Tmninun. Betaq namu mhuqil bobo malu dxeral bnege Utux Tmninun, Utux Baro namu nii. 16Nasi namu tbrinah sntangan pyugun namu rnengo Utux Tmninun, Utux Baro namu, mosa namu qmeepah utux icil ma, thmuku dheya. Maha mquri yamu ka seang Utux Tmninun, uxe namu beyo mhuqil bobo malu dxeral bnege na yamu nii ka yamu.”
Currently Selected:
Yehosua 23: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
