Yehosua 16
16
Dxeral Nsugan Lqlaqi Laqi Yosehu
1Pnooda blebil qreti nangal daha dxeral lqlaqi laqi Yosehu we peeyah yayung Yarden msdaling Yerixo. Ayus dxeral peeyah yayung qsiya nklaan hido Yerixo mooda tadus brenux ma, peeyah Yerixo mquri daya betaq ddgiyaq Beytel. 2Peeyah Beytel betaq Luj, mooda ayus dseediq Arki betaq Ataruc. 3Dungal we mquri pryaxan hido, hmeruc betaq ayus seediq Yaliti, betaq ayus Bet Xoron, betaq Gejer, msderux betaq rcilung. 4Menaseh ma Eprayim lqlaqi Yosehu we mnangal dxeral da.
Dxeral Nsugan Eprayim
5Ayus dxeral lqlaqi laqi Eprayim kiya ka pnooda pnswayan rudan we so nii: Quri pusu dxeral daha pneyah nklaan hido we, peeyah Atrot Adar betaq Bet Xoron. 6Ayus dxeral nii we msderux betaq rcilung. Ayus dxeral quri so daya we, peeyah Mikmetat, mquri nklaan hido tqiri betaq Tanat Siloh. Kiya uri we moda nklaan hido Yanoax. 7Peeyah Yanoax hmeruc betaq Ataruc ma Naarah betaq Yerixo, asi sderux betaq yayung Yarden. 8Ayus dxeral nii we peeyah Tapuax mooda smnegul yayung Qanah mqquri pryaxan hido, msderux betaq rcilung. Pnooda pnswayan rudan nangal dxeral Eprayim ka nii. 9Kana nangal dxeral ma lualang dseediq Menaseh we, ida daha gaga rngiun lualang ka lqlaqi laqi Eprayim. 10Ini daha lwaqi nganguc ka seediq Kenaan meniq Gejer hiya. Meniq ckceka seediq Eprayim ka seediq Kenaan. Mtnqliyan betaq saya ka dheya.
Currently Selected:
Yehosua 16: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
