Yonah 3
3
Thei Utux Tmninun ka Yonah
1Mn2 meyah Yonah ka kari Utux Tmninun, rmengo, 2“Tutui, osa Nineweh alang paru. Sai rmengo dseediq ckceka hiya ka kari rnengo mu sunan.” 3Kiya de asi tutui, muyu kari Utux Tmninun ka Yonah mosa Nineweh. Paru alang ka Nineweh, asi ka mk3 ali ksaun. 4Mremux alang ka Yonah. Mkkesa 1 ali de gmarang rmengo: “Bukuy 40 ali de, mpktakur ka Nineweh da!” 5Kiya de snhii Utux Baro ka seediq Nineweh. Mooda ptgaya ini ekan ma, mlukus lukus mbasi kana ka peeyah rudan ma betaq lqlaqi.
6Betaq qbsuran paru Nineweh hiya ka kari nii de, asi tutuy peeyah tnlungan na hiya, malix lukus na ma mlukus lukus mbasi, tleung ckceka qbulic. 7Heya we mlawa seediq spatis na kari ka kana seediq Nineweh, rmengo: “Niqan kari pnosa na ka qbsuran paru ma qbsuran mdudul: Kana seediq, tnbugan, dapa ma, miric we iya qdali ani manu uqun. Iya pqdali ma iya pmahi qsiya. 8Seediq ma tnbugan we plkusi lukus mbasi kana. Skingal bale dmurun Utux Baro. Txtaxa namu we kmpriyux peeyah elu naqah ma, lixi ka kmmhemuc smeeliq baga namu. 9Ima mkela, nhuwa kmpriyux lnglungan na ka Utux Baro, uxe mpkseang ma uxe tana phqilun da.”
10Qmita noda daha ka Utux Baro. Taan na wada malix qnnaqah noda daha ka dheya de kmpriyux lnglungan na ka Utux Baro. Ppseeliq kmpyahun na tgberah we ini na pyahi da.
Currently Selected:
Yonah 3: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
