Yonah 2
2
Dnurun Yonah
1Mquri Utux Tmninun, Utux Baro na dmurun ckceka nbuyas qcurux ka Yonah,
2Rmengo: “Mlawa ku dmurun Utux Tmninun meeniq ku mqraqil ka yaku de,
asi ciyuk yaku ka heya.
Mlawa ku peeyah toma ba tuxan mnkuung ka yaku we,
mbahang su hrenang mu ka isu.
3Sqada saku ckceka ebun toma,
dehuk truma ba rcilung.
Tqiri kenan ka qsiya paru,
bula paru su we mubung heyi mu.
4Rmengo ku: ‘Wada saku sqada peeyah berah doriq su ka yaku,
ani so kiya, ida ku mpstama sapah thmkuwan su.’
5Qmiri yaku ka kana qsiya, daling ku na bungun.
Mtqiri yaku ka ebun truma,
qmiri tunux mu ka speriq rcilung.
6Hmneruc ku betaq pusu ba ddgiyaq ka yaku,
ruhu rhengun dxeral we rhugun ku na betaq ani knuwan.
Utux Tmninun, Utux Baro mu!
Isu we speeyah su ckceka tuxan mnkuung dmoi baga knuudus mu.
7Mtkuni ka lhebun mu ciida de,
lmngelung ku Utux Tmninun.
Dnurun mu we wada mremux sapah thmkuwan su,
asi dehuk berah su.
8Seediq thmuku utux uka bbrihan we,
qmada gnaalu daha nanak.
9Kiya de, yaku we spooda mu hrenang tmdahu mpquri ku isu smapuh ka yaku.
Sndhegan mu we, ida mu daun.
Pneyah Utux Tmninun ka mdoi baga.”
10Posa kari qcurux kiya ka Utux Tmninun. Kiya de qcurux we, pbperil na bobo dxeral ka Yonah da.
Currently Selected:
Yonah 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
