Yonah 1
1
Tbrinah Utux Tmninun ka Yonah
1Meyah Yonah laqi Amitay ka kari Utux Tmninun, rmengo: 2“Tutui, osa mquri Nineweh alang paru, sai rmengo ka dseediq hiya. Ado qnnaqah daha we wada dehuk berah mu da.” 3Kiya de mtutuy ka Yonah de, mqquri Tarsis mgleing Utux Tmninun ka heya. Hmeruc dehuk Yapo ka heya, smterung 1 asu mmaha Tarsis. Bnege pila paapa na asu ka Yonah de, msuupu dseediq asu mquri Tarsis. So maha qduriq Utux Tmninun.
4Utux Tmninun we, psbgihur paru bobo rcilung, ptbula paru ba ka rcilung ma, so mpskrudo ka asu. 5Miicu riyung ka dseediq meepah asu, dmurun mesa utux daha kana ka dheya. So maha pslokah asu ka dheya de sqada daha rcilung ka qyqeya bobo asu. Kiya de, hmeruc mosa toma bale asu ka Yonah ma, mksaro kchungi mtaqi. 6Meyah heya ka qbsuran asu. Rmengo heya: “Ma su ga mchungi mtaqi hini ka isu na ho? Tutui, druni ka utux su. Nhuwa qmlahang ita ma, uxe tana phqilun.”
7Mpprengo ka dseediq bobo asu: “Aguh! Blebil ta qreti. Tai ta ririh ima betaq meyah ita ka pqraqil nii.” Kiya de moda blebil qreti ka dheya ma, Yonah ka wada blebil. 8Smiling Yonah ka dheya: “Braho su rngagi nami, yaa bale ririh isu betaq meyah yami ka pnqraqil nii da ho? Maanu qpahun su ka isu? Pneyah su inu? Qnhlangan su inu ka isu? Seediq su inu?” 9Rmengo ka heya: “Yaku we seediq ku Hiburu. Thmuku ku Utux Tmninun, Utux Baro gaga baro. Heya we snmalu karac ma dxeral ka heya.” 10Kiya de paru bale kniicu daha ka dheya de, rmengo heya: “Maanu ka wada su daun ho?” Kiya de klaun daha qnduriq Utux Tmninun ka heya, ado wada na srengo dheya da.
11Krinah paru ka bula rcilung, rmengo heya ka dheya: “Hwaun nami ka isu, kiya ka maha pgmelux ka bula rcilung nii ho?” 12Rmengo dheya ka Yonah: “Yamu we kdagi ku ma qdani ku ckceka rcilung, kiya de mpgmelux ka bula rcilung da. Klaun mu ririh yaku betaq namu smterung paru bula nii ka yamu.” 13Ani so kiya ida kmbeyax bale micux asu nana ka dheya. So maha pbrinah ssiyo rcilung ka asu mesa lmngelung ka dheya. Kiya de ini tduwa ka dheya. Ado krinah paru ka bula rcilung meyah cmebu dheya. 14Kiya de, mlawa dmurun Utux Tmninun ka dheya: “Utux Tmninun! Ani ba rabang iya nami phqili ka knuudus nami ririh seediq nii. Iya biqi yami ka psdara seediq uka qnquwan noda. Ado isu, Utux Tmninun we spooda su lnglungan su nanak mooda ooda.” 15Kiya de spheal daha ka Yonah, sqada daha ckceka rcilung. Kiya de mgmelux ka bula rcilung. 16Paru bale kniicu daha Utux Tmninun ka dseediq de, mquri Utux Tmninun smapuh ma smdehu.
17Utux Tmninun we, psramal 1 qcurux paru ba wada rmequn Yonah. Mk3 ali ma mk3 rabi meeniq ckceka nbuyas qcurux ka Yonah.
Currently Selected:
Yonah 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
