Yirmeyah 47
47
Kari Quri Peliset
1Ini osa cmebu Ajah ka Paroh berah na ciida, meyah Yirmeyah mpgeela kari ka kari Utux Tmninun quri seediq Peliset.
2Rmengo so nii ka Utux Tmninun:
Qtai! Niqan qsiya mgkala peeyah daya ma, msqbqebuq yayung,
Bungun na qsiya ka kana dxeral ma kana gaga hiya,
daun na mubung ka alang ma dseediq gaga meniq hiya.
Mdiras lmingis ka dseediq,
mprengac ka kana seediq gaga meniq hiya.
3Mbahang hrenang tnlaman dmay pais,
tnlaman rulu mccebu ma, hrenang gukuc na,
muuwic baga daha ka dtama,
ini dehuk smbrinah qmita laqi daha.
4Ado dehuk ka ali,
mpqhedu phuqil kana seediq Peliset ka Utux Tmninun,
mpseqic nngari mdayo Cor ma Cidon.
Mpqhedu phuqil seediq Peliset ma,
seediq gaga msrangi Kaptor dxeral biciq ckceka rcilung ka heya.
5Wada kgusun mtadus ka Ajah,
wada uka ani maanu ka Asqelon.
Mtrangi gaga dxeral brenux!
Mpbetaq namu knuwan pqluqah heyi namu?
6Hlmadac Utux Tmninun! Knuwan ka mplmelux su?
Osa mgeqi rudu ma sange hiya.
7Smkagul heya cmebu Asqelon ma dxeral ssiyo rcilung ka Utux Tmninun,
wada skgulan ka heya de, huwa kesun mplmelux di peni?
Currently Selected:
Yirmeyah 47: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
