Dmpsgao 10
10
Tola
1Bobo Abimeleq, tutuy ka Tola. Meyah dmoi baga Israel. Heya we lqlaqi laqi Dodo, laqi Puah seediq Yisaskar meniq Samir ddgiyaq Eprayim. 223 knkawas ngalan mpsgao Israel ka Tola. Mhuqil ka heya de, saan daha smeku Samir.
Yair
3Bobo Tola, meyah ka Yair seediq Gilad. 22 knkawas ngalan mpsgao Israel. 4Niqan 30 laqi na rseno paapa dapa roba. Dheya we niqan 30 alang daha gaga dxeral Gilad hiya. Habuc Yair kesun tmngayan betaq saya. 5Mhuqil ka Yair de, saan daha smeku Qamon.
Yiptax
6Ini pndungus Utux Tmninun ka noda seediq Israel. Mosa thmuku Baal ma Astoret ma, duutux Aram, Cidon, Moab, Amon ma, Peliset. Qmada Utux Tmninun ka dheya ma ini qeepah heya. 7Mseang quri Israel ka Utux Tmninun, sbege na baga seediq Peliset ma Amon ka dheya. 8Peeyah knkawas ciida betaq 18 knkawas, meyah tmraqil seediq Israel gaga meniq nklaan hido yayung Yarden, dxeral seediq Amori ma Gilad ka dheya. 9Mtaril yayung Yarden meyah mccebu tnsapah Yehudah, Binyamin ma Eprayim ka seediq Amon. Mqraqil riyung ciida ka Israel.
10Mlawa Utux Tmninun ka dseediq Israel: “Wada miyan pqnnaqah sunan ma qmeepah miyan Baal.” 11Rmengo dseediq Israel ka Utux Tmninun: “Uxe ku dmnoi baga yamu mnlatac peeyah seediq Micrayim, Amori, Amon, Peliset peni? 12Meyah tmraqil yamu ka seediq Cidon, Amaleq ma Maon we, mnlawa namu kenan. Wada ku meyah dmoi baga namu platac peeyah baga daha. 13Betaq namu qmada kenan mosa qmeepah duutux icil! So kiya de, uxe ku mdoi baga namu ka yaku da. 14Osa nanak mlawa duutux gneegan namu. Pkelu namu mqraqil ciida, pkdusi dheya ka yamu!” 15Rmengo Utux Tmninun ka dseediq Israel: “Wada miyan niqan qnquwan noda di. Pdai nanak qntaan su cmiyuk yami. Wano ba saya, braho su doi miyan hiya baga!” 16Kiya de sqada daha peeyah ckceka daha ka duutux icil ma meepah Utux Tmninun ka seediq Israel. Ririh qnrqilan daha pnyexan lhebun na ka Utux Tmninun.
17Gisu plaanun ka seediq Amon, meyah pkobu Gilad hiya. Msseli ka seediq Israel uri ma, pkobu Micpah hiya. 18Mpprengo ka dqbsuran mdudul Gilad: “Ima ka maha mplaale ba mccebu seediq Amon we, heya ka qbsuran mdudul Gilad dhenu.”
Currently Selected:
Dmpsgao 10: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
