Xagay 2
2
Knledax Bgurah Sapah Thmkuwan
121 ali 7 idas knkawas ciida, spooda na Xagay mpgeela kari rmengo ka Utux Tmninun: 2“Pklai ka Jirubabil qbsuran mdudul Yehudah laqi Saltiel ma Yehosua paru msapuh laqi Yehocadaq ma, kana dseediq mntngari, rngagi: 3Tnngari ckceka namu we, ima namu ka qmnita knledax sapah thmkuwan nii cbeyo ho? Saya we hmuwa ka qntaan namu ho? Uxe mntena so uka ba meeniq doriq namu ho? 4Jirubabil! Saya, knbeyax ka isu! Rnengo Utux Tmninun ka nii. Yehosua paru msapuh laqi Yehocadaq! Knbeyax ka isu! Rnengo Utux Tmninun ka nii. Dseediq dxeral nii! Knbeyax meepah qpahan nii ka yamu, ado mptheyaq yamu ka yaku. Rnengo Utux Tmninun Mdoi Kana Supi ka nii. 5Pnuyu mu kari sndhegan mu yamu mneeniq Micrayim hiya ka nii. Bgihur mu we ida meeniq ckceka namu, kiya de iya kiicu ka yamu. 6Rmengo so nii ka Utux Tmninun Mdoi Kana Supi: Hmrinas nii, mnpusal ku mplgelu karac ma dxeral, rcilung ma dxeral ka yaku. 7Llgelu mu ka kana qlhangan, desun daha hini ka kana dnoi daha ma stngayun knledax ka sapah thmkuwan nii. Rnengo Utux Tmninun Mdoi Kana Supi ka nii. 8Nnaku ka king ma, nnaku ka ging uri. Rnengo Utux Tmninun Mdoi Kana Supi ka nii. 9Mpgkala tqliwaq sapah thmkuwan ncuxal ka sapah thmkuwan bgurah nii. Rnengo Utux Tmninun Mdoi Kana Supi ka nii. Mbege ku mtbleyaq dxeral nii ka yaku. Rnengo Utux Tmninun Mdoi Kana Supi ka nii.”
Ptgesa Dmsapuh ka Mpgeela Kari
1024 ali 9 idas tg2 knkawas qbsranun na paru ka Daryawes we, meeyah Xagay mpgeela kari ka kari Utux Tmninun, rmengo: 11“Rmengo so nii ka Utux Tmninun Mdoi Kana Supi: Osa ptgesa gaya dmsapuh ka isu, rmengo: 12Qtai! Nasi niqan ka seediq maangal 1 heyi pnkmalu smapuh ma lbuun na palic lukus na, bobo na mooda cserus pang, begu, sino, abura curung, uxe we duma na hiya uqun de, yaa mrtaso na ka nii ho?” Cmiyuk ka msapuh: Uxe. 13Dungal we smiling dungal ka Xagay: “Nasi niqan ka seediq treeru bqerus mnhuqil ma, ini kbgurah, bobo na hiya de mooda tmelung ani manu qyqeya de, yaa ini kbgurah ka nii ho?” Cmiyuk ka msapuh: “Ini kbgurah kiya.” 14Kiya de rmengo ka Xagay: “Rmengo ka Utux Tmninun: Maha so nii ka seediq gaga berah mu ma, maha so kiya ka qnlhangan nii uri. Kana qneepah baga daha we maha so kiya uri. Kana bnege daha hiya we ini kbgurah kana.”
Sntangan Smbleyaq ka Utux Tmninun
15“Saya, lngelung bale ka lhebun namu. Peeyah ali saya, sapah thmkuwan Utux Tmninun we ida uka ani 1 btunux gaga ttaapa bobo btunux na. 16Gaga namu hmuwa ciida? Niqan ka seediq meeyah 20 seengan Knchdilan hiya, kiya we wano ba 10 seengan ka ngalun na. Niqan ka seediq meeyah rcilung qpiyan sino hiya ma, mkmaangal 50 kulu, kiya we wano ba 20 kulu ka nangal na. 17Sdoi mu bgihur mtilux, quyux mpsburo ma, huda smeeliq ku yamu ma, kana qneepah pnooda baga namu. Kiya we ida namu ini pquri yaku ka yamu. Rnengo Utux Tmninun ka nii. 18Lngelung bale lhebun namu, peeyah ali saya, kiya ka 24 ali 9 idas ali peeyah pnheyu pusu sapah thmkuwan Utux Tmninun nii ciida, lngelung bale ka lhebun namu: 19Niqan rehak mugi ka rupun namu ho? Ani yaa ini pgheyi ka lipas, nunuh, qutirodux ma curung nana. Peeyah saya, mpbleyaq ku yamu ka yaku.”
Mege Sntangan Jirubabil ka Utux Tmninun
2024 ali idas ciida, meeyah Xagay dungal ka kari Utux Tmninun, rmengo: 21“Rngagi ka Jirubabil qbsuran mdudul Yehudah: Mplgelu ku karac ma dxeral. 22Poxun mu ka tlengun dqlhangan, mpkuuka ku kana beyax mpqlahang dqlhangan, dungal we mptakur ku rulu mccebu ma, dseediq pnaapa hiya. Mptakur ka dapa dmay ma dsupi pnaapa dapa dmay ma, txtaxa seediq we phqilun hlmadac mtswai daha. 23Rmengo ka Utux Tmninun Mdoi Kana Supi: Jirubabil laqi Saltiel tnqliyan mu! Rnengo Utux Tmninun ka nii: Betaq ali ciida, isu ka ngalun mu pnskraya ngayan, ado gneegan mu ka isu. Rnengo Utux Tmninun Mdoi Kana Supi ka nii.”
Currently Selected:
Xagay 2: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
