Xagay 1
1
Posa Kari Psbgurah Ppheyu Sapah Thmkuwan ka Utux Tmninun
11 ali 6 idas tg2 knkawas mqbsuran paru Paras ka Daryawes ciida, kari Utux Tmninun we spooda na Xagay mpgeela kari rmengo quri Jirubabil qbsuran mdudul Yehudah laqi Saltiel ma Yehosua paru msapuh laqi Yehocadaq. Rmengo: 2“Rmengo so nii ka Utux Tmninun Mdoi Kana Supi: Seediq nii we rmengo: ‘Ini dehuk ka ali mpheyu ta sapah thmkuwan Utux Tmninun na.’” 3Kiya de kari Utux Tmninun spooda na Xagay mpgeela kari rmengo: 4“So nlaxan ka sapah thmkuwan, kiya we gaga namu meeniq sapah niqan sduman dnamux ka yamu ho? 5Saya, rmengo so nii ka Utux Tmninun Mdoi Kana Supi: Qlahang lmngelung ka ndaan namu. 6Egu ka rnehak namu, kiya de biciq ka nangal namu. Mekan namu ma, uxe namu pktengi. Mimah namu ma, uxe namu tuku mahan. Mlukus namu ma, uxe mpkmuxul. Mangal namu sntkean we, mosa lubuy niqan beling ka pila sntkean namu.
7Rmengo so nii ka Utux Tmninun Mdoi Kana Supi: Qlahang lmngelung ka ndaan namu. 8Mosa namu dgiyaq mangal qhuni, mpsalu namu sapah thmkuwan, kiya ka mpqaras ku ma niqan ledax mu ka yaku. Rnengo Utux Tmninun ka nii. 9Egu ka sntangan namu, qtai! Maha biciq ka nangal namu. Wada namu skuun sapah namu we, srehak mu bgihur. Ma so kiya ho? Ado so nlaxan ka sapah thmkuwan mu, txtaxa namu we wano ba tnsapah namu nanak ka gaga namu tbyahun. Rnengo Utux Tmninun Mdoi Kana Supi ka nii. 10Maanu so kiya, ririh yamu, uxe mpquyux ka karac, ini pheru uqun ka dxeral. 11Mposa ku kari, meeyah dxeral, ddgiyaq, pnhgalang, sino bgurah, abura bgurah ma, pneeyah dxeral, meeyah seediq ma tnbugan ma kana ndaan mkrebuk qneepah baga seediq uri ka pdngeun mu.”
Theyi Pnosa Kari Utux Tmninun ka Seediq
12Ciida, Jirubabil laqi Saltiel ma Yehosua msapuh laqi Yehocadaq ma, kana tnngari muudus seediq we mbahang kari Utux Tmninun, Utux Baro daha, kiya ka kari Utux Tmninun, Utux Baro daha pnooda na Xagay mpgeela kari. Niqan kniicu lhebun daha meeniq berah Utux Tmninun ka seediq. 13Xagay snkgulan Utux Tmninun mquri seediq na we rmengo: “Mptheyaq ku yamu ka yaku. Rnengo Utux Tmninun ka nii.” 14Pstutui lhebun Jirubabil qbsuran mdudul Yehudah laqi Saltiel ma, Yehosua msapuh laqi Yehocadaq ma, kana dseediq tnngari ka Utux Tmninun, kiya de meeyah smmalu qpahan sapah thmkuwan Utux Tmninun, Utux Baro daha ka dheya. 15Ciida we 24 ali 6 idas tg2 knkawas mqbsuran paru ka Daryawes.
Currently Selected:
Xagay 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
