Xabaquq 1
1
1Qntaan pnugkela Xabaquq mpgeela kari.
Smnetur Riqu ka Xabaquq
2Utux Tmninun! Mplawa ku,
ini su ciyuk, mpbetaq knuwan ho?
Mquri ku isu mlawa pnqrqilan,
ini su dayo dmoi baga?
3Ma saku pqtaan so nii qnquwan noda ho?
Ma su so nii smruwa naqah ooda ho?
Smeeliq, kmmhemuc smeeliq gisu berah mu,
mssipaq ma pkeekan kari we ini ba setuq.
4Ado uka beyax na ka gaya,
ini truura ka msderux gaya.
Ado tnlibu seediq msderux ka seediq naqah,
kiya ka wada mridil ka msderux gaya.
Cniyuk ka Utux Tmninun
5Pquri dqlhangan qmita, tgleus ba qmita,
mpsklui su, maha msklui!
Ado ali nniqan namu we, meeyah ka 1 oda,
ani rmnengo ka duma seediq we, ida namu ini snhii ka yamu.
6Qtai! Mpstotuy ku seediq Krdiya,
kiya ka seediq mmhemuc pphuqil, mkkesa ani inu,
gmeluk nniqan uxe ndheya.
7Dmeqo seediq ma so kcugun,
pneeyah heya kana ka mpsgao ma beyax qmlahang.
8Hmrinas rkelic knsliko na ka dapa dmay daha,
mgkala mnuure ba huling bbuyu mnpahung.
Dapa dmay daha we psboto,
pneyah theya ba ka dapa dmay daha.
Mntena qdiro qmerac uqun daha tmalang.
9Meeyah pphuqil ka seeyah daha,
mquri nklaan hido ka dqeras daha,
psseli qnerac mntena so bengux dxeral.
10Tnsiyax dqbsuran paru ka heya,
mhulis dqbsuran mdudul,
hlisun na ka kana qbrangan,
gmutu dxeral mccebu heya.
11Ciida, mntena so bgihur meyah smkesik ka heya,
tbrinah ma ptuura qnquwan noda na ka heya.
Beyax daha nanak ka utux daha.
Rmengo Mqraqil ka Xabaquq
12Utux Tmninun, Utux Baro mu, Mrtaso mu ba!
Uxe su ida niqan peeyah cbeyo ba peni?
Uxe miyan mphuqil ka yami.
Utux Tmninun! Smnkagul su heya meeyah psgao.
Pusu btunux! Pnheyu su heya mooda pkdira seediq.
13Bgurah ba ka doriq su,
ini su qita qnnaqah ma, ini su qita mmhemuc,
so kiya de ma su ni qmita moda qmeepah naqah ka seediq ho?
Betaq rmequn dseediq msderux mgkala dheya ka seediq naqah,
hmuwa ma su mgmelux ho?
14Ma su ngalan mntena qcurux ka seediq,
ngalan su mntena so camac uka mpqlahang mkkarang dxeral ka seediq ho?
15Dmoi plaling qcurux plaling dheya ka heya,
dmoi tlenga qmerac dheya,
dmoi kadi pqcurux psseli dheya.
16Mquri tlenga mege snapuh,
mquri kadi qcurux smapuh skenux.
Ado spooda na nii mangal egu ngngalun ma,
egu malu ba uqun.
17Kiya de huwa kesun asi knteetu hmeruy tlenga na,
asi knteetu pphuqil dseediq dqlhangan, ini na ba kkrwahi ho?
Currently Selected:
Xabaquq 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
