Yexejqel 46
46
Qbsuran Paru ma Ali Smseman
1Rnengo so nii ka Utux Tmninun Bukung: “Rhengun quri nklaan hido nganguc tgtruma we, 6 ali pqpahan ciida ge, asi ka lebun. Wano ba ali sngayan ma ali prading idas ka rwahun. 2Qbsuran paru we ooda sbesuk rhengun teme toma ma, mpheyu ssiyo eruc rhengun. Smapuh we mpsramal snapuh psqmaun ma snapuh ptbale qbsuran paru ka heya. Mpthmuku ssiyo eruc rhengun hiya ka qbsuran paru, kiya de asi latac nganguc. Rhengun nii we, iya lebi betaq keeman. 3Ali sngayan ma ali prading we, mpthmuku berah Utux Tmninun meeniq rhengun nii ka seediq dxeral nii. 4Ali sngayan, mangal snapuh psqmaun 6 wawa miric uka luqah ma, 1 baus miric rudu uka luqah bbege na Utux Tmninun ka qbsuran paru. 5Spuun mege snapuh bnege pnhgalang, ririh miric rudu asi ka mege 1 igipa nemu mugi. Poda beyax daha nanak ririh wawa miric mege 1 igipa ma prnaun 1 sin abura. 61 ali prading ciida, asi ka mege 1 dapa balas uka luqah, 6 wawa miric ma, 1 baus miric rudu. Kana nii we asi ka uka luqah na. 7Asi ka psramal snapuh bnege pnhgalang, ririh dapa balas mbege 1 igipa nemu mugi. Ririh miric rudu mbege 1 igipa nemu mugi ma, ririh wawa miric mseung beyax daha mbege 1 igipa ma prnaun 1 sin abura. 8Mremux ka qbsuran paru ciida we asi ka mooda sbesuk rhengun nii ma, latac peeyah hiya dungal.
9Meeniq knkingal smseman meeyah thmuku Utux Tmninun ka seediq dxeral nii ciida we, asi ka moda rhengun daya meyah thmuku Utux Tmninun ma mlatac mooda rhengun toma. Mremux peeyah rhengun toma we latac rhengun daya kiya. Iya brinah mlatac rhengun tnmayan. Asi namu ka sderux mlatac mooda rhengun sipo mlatac. 10Mremux ka dheya ciida, psuupu dheya mremux ka qbsuran paru uri. Mlatac ka dheya we, mplatac ka qbsuran paru uri.
11Ali smseman ma psseli mrahul ciida ka snapuh bnege pnhgalang. Ririh 1 dapa balas asi ka mege 1 igipa nemu mugi. Ririh 1 miric rudu asi ka mege 1 igipa nemu mugi ma, ririh wawa miric mseung beyax daha mbege 1 igipa ma prnaun 1 sin abura. 12Mege snapuh pneeyah lhebun, kiya ka snapuh psqmaun bbege Utux Tmninun ka dsnapuh pneeyah lhebun ma snapuh ptbale ciida, ririh heya asi ka sraguh ka rhengun gaga nklaan hido. Kiya de mbege snapuh psqmaun ma snapuh ptbale. Mntena bnege na ali sngayan ciida. Bobo na de mplatac peeyah hiya. Bobo mlatac ka heya de, lebun seediq ka rhengun.
Ssapuh Klaali
13Klaali we, asi su ka mangal 1 knkawas wawa miric spuhun su snapuh psqmaun bbege su Utux Tmninun. Asi su ka mege mgrebu klaali. 14Mgrebu klaali pspuun su mege snapuh bnege pnhgalang we, 1 mnugtruwan nemu mugi ma, 1 tnugtruwan sin abura gnmaxan nemu mugi. Snapuh pnhgalang nii we asi ka sbege Utux Tmninun klaali, kiya ka gaya pndakar betaq ani knuwan. 15Mgrebu klaali asi su ka so nii mege wawa miric, snapuh pnhgalang ma, abura. Nii ka snapuh su psqmaun klaali ka nii.”
Qbsuran Paru ma Dxeral
16Rnengo so nii ka Utux Tmninun Bukung: “Nasi mege lnabu lqlaqi na ani ima ka qbsuran paru ge, ida pusu dnoi laqi na ka nii da. Tduwa na rngiun lqlaqi laqi na, lntudan na mangal ka pusu dnoi nii. 17Nasi na sbege tnqliyan mdudul heya ka pusu dnoi we, ida pusu dnoi tnqliyan mdudul ka nii. Betaq knkawas mtraguh ciida de, asi ka brnahun mege qbsuran paru dungal. Pusu dnoi qbsuran paru we, ida asi ka sbege lqlaqi daha nanak. 18Ini tduwa gmeeluk pusu dnoi seediq ka qbsuran paru. Kiya ka gisu pqduriq dheya mlatac peeyah pusu dxeral daha nanak. Asi ka speeyah na pusu dnoi na nanak, sbege na lqlaqi laqi na ka pusu dnoi dxeral. Kiya de, so uxe mplatac dxeral daha nanak ka seediq mu ma, uxe pkrehak ani inu ka dheya.”
Hpuyan Sapah Thmkuwan
19Maadis kenan peeyah tmayan ssiyo rhengun ka heya ma, desun ku na mrtaso truma sapah psramal msapuh mqquri daya. Qtai! Gaga muxi quri bukuy pryaxan hido hiya ka 1 dxeral. 20Rmengo kenan ka heya: “Phurayan snapuh sapuh prtaso qnquwan, snapuh psruwa qnquwan noda ma, muduh snapuh pnhgalang ka nii. So daha uxe desun nganguc, mpkrtaso seediq.”
21Dungal we desun ku na nganguc, pdaun ku na 4 muxi nganguc. Qtai! Mxmuxi nganguc hiya we niqan nanak nganguc biciq dungal. 224 muxi nganguc hiya we niqan biciq nganguc. Niqan qnabil daha kana. Knkingal biciq nganguc daha we 40 sese knlabang, qndisan we 30 sese. Ida mntena qndisan daha ka 4 nganguc nii. 23Mtqiri 4 nganguc biciq nii we gaga qlangan btunux ma, gaga toma na hiya ka phurayan. 24Rmengo kenan ka heya: “Sapah phurayan heyi tnbugan ka nii. Dtnqliyan truma sapah thmkuwan we, asi ka pure heyi tnbugan meniq hini.”
Currently Selected:
Yexejqel 46: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
