Yexejqel 41
41
1Desun ku na sapah thmkuwan ka heya ma, smeung eruc qnabil. Qndisan na ka icil baang we 6 sese ma, icil baang we 6 sese. Qndisan na we mntena mrtaso kobu. 2Qndisan rhengun we 10 sese ma, qnabil ssiyo rhengun we 5 sese ka hini ma, 5 sese ka hiya. Dungal we smeung sapah thmkuwan ka heya ma, 40 ka knbragan ma, 20 sese ka qndisan na. 3Mremux toma ka heya ma seengun na ka eruc qnabil rhengun we 2 sese, knbragan rhengun we 6 sese, qnabil ssiyo rhengun we 7 sese. 4Smeung tgtruma riyung sapah thmkuwan ka heya we, 20 sese ka knbragan ma, 20 sese ka qndisan. Rmengo kenan ka heya: “Pusu Mrtaso Nniqan ka nii.”
Sqapah Baang Ssiyo Qnabil Sapah Thmkuwan
5Dungal smeung qnabil sapah thmkuwan ka heya we, 6 sese. Niqan nniqan ka qnabil sapah thmkuwan we, 4 sese qndisan. 6Msn3 tntunan mquri baro ka nniqan nii. Pnkingal tntunan nii we niqan 30 nniqan. Qnabil mtqiri sapah thmkuwan we gaga pniqan pusu lkehan sapah baang. Kiya de so uxe mplekoh eruc sapah Thmkuwan nii ka nniqan. 7Nniqan mtqiri sapah thmkuwan nii we, wada mrana qndisan na quri baro. Peeyah tnunan na tgtruma ma, ckceka na ma, tgbaro na. 8Dungal we niqan spilan eruc ssaun gaga mgbaro ka mtqiri sapah thmkuwan. Kiya ka pusu eruc knkingal nniqan. Tnugkadan na we 1 qreti, kiya ka 6 sese paru. 9-10Qndisan nganguc qnabil nniqan we 5 sese. Cenga nniqan sapah thmkuwan hini ma, nniqan sapah sipo na we, niqan 20 sese qndisan dxeral uka ani manu, kiya ka gaga mtqiri sapah thmkuwan. 11Mquri dxeral nganguc nii ka nniqan. Mquri daya ka kingal ma, mquri toma ka kingal. Dxeral nii we 5 sese ka qndisan na.
Sapah Pryaxan Hido
12Niqan sapah gaga bukuy dxeral nganguc pryaxan hido, 70 sese ka qndisan, knbragan na we 90 sese, kndlexan qnabil mtqiri we 5 sese.
Qndisan Sapah Thmkuwan
13So kiya we, smeung sapah thmkuwan ka heya we, 100 sese ka knbragan, dungal we smeung dxeral, sapah kiya ma, qnabil we, 100 sese kana. 14Dungal we quri qndisan berah sapah thmkuwan ma, dxeral gaga nganguc we 100 sese.
15Seengun na ka qndisan sapah gaga bukuy dxeral nganguc ma, sbesuk gaga bbaang we 100 sese knbragan.
Truma Sapah Thmkuwan
Truma sapah thmkuwan, sbesuk truma sapah thmkuwan, 16Qango rhengun, beling pnosa qnabil ma, 3 tnunan sbesuk sipo qngaun rhengun we, gisu qpahun qrtinuh kana ka ssiyo na peeyah dxeral betaq beling. Gisu rwahan kana ka blingan. 17Betaq baro rhengun de, kiya ka qnabil mtqiri sapah thmkuwan, peeyah toma betaq nganguc sapah thmkuwan we, ida so nii smeung kana. 18Gaga gqeran matis hnyegan kirubing ma sbiki paru ka qnabil. Cenga kirubing ma kirubing we niqan 1 sbiki paru, md2 dqeras na ka kirubing. 19Mquri sbiki paru hini ka dqeras seediq, mquri sbiki paru hiya ka dqeras rkelic rudu. So nii ka gnequr matis qnabil mtqiri sapah thmkuwan. 20Peeyah dxeral betaq bobo rhengun, ida niqan gqeran matis kirubing ma sbiki baru ka qnabil.
21Eruc Sapah Thmkuwan we 4 muxi bbaang na. Tgberah Sapah Mrtaso Nniqan gaga niqan qyqeya, 22mntena so spuhan snmalu qhuni, 3 sese tnugkadan na ma, 2 sese knbragan na. Snmalu qhuni kana ka 4 muxi ma stmean ma baang na. Rmengo kenan ka heya: “Spilan spuhan berah Utux Tmninun ka nii.”
Rhengun
23Mrtaso toma ma Pusu Mrtaso Nniqan we pn2 ka neluk rhengun. 241 neluk we msnpusal tkmeun ma 1 neluk dungal we msnpusal tkmeun. 25Rhengun Mrtaso Nniqan we ida so gnequr matis qnabil, gaga gqeran matis kirubing ma sbiki paru ka knkingal neluk, mntena gqeran qnabil. Berah sbesuk quri nganguc we gaga pniqan kraga qhuni. 26Qnabil sapah baang we gaga pniqan beling kana ma, gqeran matis sbiki paru. Ida so kiya ka nniqan ma kraga.
Currently Selected:
Yexejqel 41: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
