Yexejqel 28
28
Mseang Qbsuran Paru Cor
1Meeyah kenan ka kari Utux Tmninun, 2“Laqi seediq! Mprengo su qbsuran paru Cor. Rnengo so nii ka Utux Tmninun Bukung,
psparu lhebun su rmengo: ‘Yaku we utux. Tleung ku tlengun duutux ckceka rcilung ka yaku.’
Ani su yaa spntena su so lhebun utux ka lhebun su,
ida su seediq ka isu, uxe su utux!
3Qtai! Hmrinas su Daniyel ka knkela su,
kana lneing we uka liingun berah su.
4Pnooda su knkela ma gnkela su mangal pusu dnoi,
skeun su repun ka king ma ging.
5Spooda su paru knkela su moda gmbbaruy prana qnbleyaq su,
ririh pusu dnoi su psparu ka lhebun su.
6Maanu so kiya de, rmnengo so nii ka Utux Tmninun Bukung,
ado wada su spntena utux ka lhebun su.
7Maanu so kiya de, qtai! Dseediq pneeyah icil,
kiya ka dseediq kmmhemuc riyung we meeyah isu hiya.
Mphgeluq hlmadac mpselaq qyqeya malu nangal su pnooda knkela su,
heya ka mpselaq knledax su.
8Rmuxun su na ssaun hnqilan.
Mphuqil ckceka rcilung, mntena so seediq pnhuqil.
9Meeniq berah dseediq pnhuqil sunan,
mtduwa su rmengo ‘Yaku we utux’ na peni?
Meeniq su baga dseediq pnhuqil sunan,
ida su seediq ka isu, uxe su utux.
10Mphuqil su baga seediq uxe su nklaan,
mntena so hnqilan dseediq ini ooda ptgaya psalak,
ado rmnengo ku,
rnengo Utux Tmninun Bukung ka nii.”
Qqnhdean ba Qbsuran Paru Cor
11Meeyah kenan ka kari Utux Tmninun, rmengo, 12“Laqi seediq! Pysani uyas tsdamac ka qbsuran paru Cor. Rngagi ka heya, rnengo so nii ka Utux Tmninun Bukung:
Mttuku bale slhayan ka isu,
stenge kkela ma knbtunux su riyung.
13Meeniq su Eden qnalang Utux Baro,
pdpingan su lmlamu btunux qrari.
Kiya de btunux ruso mtanah, mtumun mgceyas, mtumun mgtlawa,
btunux curung, btunux mgsama, mtumun so rako,
sahwaya, btunux mgaaring, imiraruc ma king.
Tatuk hmuril ma iyuk we snmalu king.
Kana nii we pnsramal ali snmalu sunan.
14Pnheyu mu kirubing hnrigan abura ka isu,
mpeeyo mpqlahang.
Gaga su meeniq bobo dgiyaq mrtaso Utux Baro.
Mkkesa su we mntena su puniq gaga cenga btunux qrari.
15Peeyah ali snlmean sunan ida msderux ka noda su,
betaq slayan ka uka knsderux noda su.
16Ririh mrana ba ka snbrigan su,
stenge su kmmhemuc tmraqil de, betaq su niqan qnquwan noda.
Kiya de mpceyax ku sunan, lwaqun misu peeyah dgiyaq Utux Baro.
Kirubing mpqlahang!
Wada mu sgliqun ka isu mntena su puniq cenga btunux qrari.
17Ririh ba qmbtunux su, psparu ka lhebun,
ririh knledax su sgliqun su ka knkela,
wada misu sqada dxeral,
psaun misu berah dqbsuran paru,
so maha qtaan bale doriq daha.
18Ririh egu riyung ka qnquwan noda su de, ini su ksderux gmbaruy,
betaq su smeeliq nniqan mrtaso su.
Kiya de mpeeyah ckceka su ka puniq,
meeyah phuqil sunan,
so su meeniq berah dseediq gaga mita sunan,
mpsdxeral su ka isu.
19Kana mnkela sunan ka kana seediq,
mpskluwi sunan kana.
Mpkiicu su seediq,
uxe su mpexal meeniq bobo dxeral betaq ani knuwan.”
Mseang Cidon
20Meeyah kenan ka kari Utux Tmninun, rmengo, 21“Laqi seediq! Psquri Cidon ka dqeras su ma rngagi kari pgeela. 22Rngage, rnengo so nii kari ka Utux Tmninun Bukung,
‘Cidon, qtai! Mpknpais ku sunan ka yaku,
maangal ku knledax meeniq ckceka namu.’
Mpsgao ku ma mptuura ku knrtaso meeniq ckceka daha ciida,
maha mkela ka seediq, yaku ka Utux Tmninun.
23Pyahun mu ka mnarux punu mpremux Cidon,
mpsdara elu alang,
meeyah peeyah mtqiri ssiyo na ka hlmadac,
mptakur ckceka daha ka pnhqilan.
Kiya de mpkeela ka seediq, yaku ka Utux Tmninun.”
Sblequn ka Israel
24“Uka ka seediq tmraqil seediq Israel ma, mtqiri metaq ma phuqil pako de, mpkela ka dheya, yaku we Utux Tmninun Bukung.”
25Rmnengo so nii ka Utux Tmninun Bukung: “Psseli ku seediq sapah Israel peeyah ckceka kana pntrehak ckceka kana seediq ma, ptuura ku mrtaso dheya meeniq doriq dqlhangan ciida, tduwa meeniq dxeral bnege mu Yakobu tnqliyan mu ka dheya. 26Mptbleyaq meeniq dxeral nii ka dheya. Bobo mhedu ku pkdira dseediq tnraqil dheya ciida, mpsmalu sapah ma, mphuma lipas ma mptbleyaq meeniq hiya ka dheya. Teta ba mpkela ka dheya, yaku we Utux Tmninun, Utux Baro daha.”
Currently Selected:
Yexejqel 28: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
