Yexejqel 25
25
Kari Pgeela Pkdraan ka Amon
1Meeyah kenan ka kari Utux Tmninun, rmengo: 2“Laqi seediq! Psquri seediq Amon rmengo kari pgeela mcebu dheya ka dqeras su. 3Rngagi ka seediq Amon. Qbhangi ka kari Utux Tmninun Bukung. Rnengo so ka Utux Tmninun Bukung, srtiqan ka sapah thmkuwan mu, ma tadus sqada ka dxeral Israel ma, qrapun maadis ka sapah Yehudah. Ciida we, ririh noda nii mprengo su ‘Ah!’ 4Maanu so kiya de, qtai! Bege maku dseediq quri nklaan hido. Dheya we meeyah meeniq ckceka namu ka dheya ma, mpsalu nniqun daha, mekan heyi qhuni ma, miimah nunuh namu. 5Ngalan mu tbugan dapa roba ka dxeral Rabah. Ngalan mu sngayan rahul miric ka dxeral Amon. Kiya de mpkeela namu, yaku ka Utux Tmninun. 6Rmengo so nii ka Utux Tmninun Bukung, ririh tmapaq namu baga ma kmlekil papak namu, mqaras su pnqraqil ma, smbiciq su qmita dxeral Israel. 7Maanu so kiya de, qtai! Mposa ku baga mcebu sunan. Ngalun maku qqrapun bege misu seediq dqlhangan. Qada misu peeyah kana seediq ma, qhdeun misu pkuuka peeyah dqlhangan. Mpkuuka ku sunan, kiya ka mpkela su, yaku ka Utux Tmninun.”
Mseang Moab
8“Rmengo so nii ka Utux Tmninun Bukung: Ado rmnengo so nii ka seediq Moab ma Seir: ‘Qtai! Ida mntena so dqlhangan ka sapah Yehudah’. 9Maanu so kiya de, qtai! Mpselaq ku ayus lualang Moab. Kiya ka alang stndahu daha ka Bet Haysimot, Baal Meon ma, Qiryatayim ka seediq Moab. 10Mpskagul ku dseediq pneeyah nklaan hido meeyah mccebu seediq Moab. Bege mu dheya ka Amon. Uxe daha lnglungun meeniq ckceka dqlhangan ka seediq Amon. 11Mpkdira ku Moab, kiya ka mpkeela ka dheya, yaku ka Utux Tmninun.”
Mseang Edom
12“Rmengo so nii ka Utux Tmninun Bukung, ado cmiyuk sapah Yehudah ka Edom, ado paru qnquwan noda daha cmiyuk ka dheya, 13kiya de, rmnengo so nii ka Utux Tmninun Bukung, mposa ku baga mcebu ku Edom. Phqilun mu ka dseediq ma tnabu. Edom we, ma dxeral qnada meeyah Teyman betaq Dedan. Dseediq daha we mphuqil toma hlmadac. 14Pooda mu baga Israel seediq mu cyukun mu ka Edom. Mooda seang mu ma sqama seang mu cmiyuk Edom ka dheya de, mpkeela ka seediq Edom, yaku ka pnkdira dheya. Rnengo Utux Tmninun Bukung ka nii.”
Mseang Peliset
15“Rmnengo so nii ka Utux Tmninun Bukung, ado cmiyuk ka seediq Peliset we, pneeyah tnsyaxan na cmiyuk. Ida madis tnrqilan na mpphuqil ka lhebun na. 16Maanu so kiya de, rnengo so nii ka Utux Tmninun Bukung, qtai! Mposa ku baga mcebu ku seediq Peliset, mpkuuka mu ka seediq Keretiy ma, phqilun mu ka dseediq mnsngari ssiyo rcilung. 17Sqama seang mu mpciyuk ku dheya. Cmiyuk ku dheya ciida de, mpkeela ka dheya, yaku ka Utux Tmninun.”
Currently Selected:
Yexejqel 25: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
