Yexejqel 19
19
Uyas Tsdamac
1Pysani uyas tsdamac ka dqbsuran Israel. 2Rengo,
meeniq ckceka rkelic rudu ka bubu su,
so ba mgmaanu giyas rkelic ka heya ho?
Mstkemu ckceka mkkere giyas rkelic,
dmanga wawa rkelic.
3Dmanga 1 wawa rkelic rudu ka heya,
ma mkkere rkelic ka nii.
Smluhe qqeerac uqun,
kiya ka mekan seediq ka heya.
4Mbahang heya ka seediq qqlhangan, qrapun daha tnraki ebun ka rkelic nii.
Kdongan daha laling ka heya ma wada daha desun Micrayim.
5Qmita gisu tmara mesa ka giyas rkelic,
mpehing ka sntangan na,
kiya de maangal 1 wawa rkelic,
dngaun na ma mkkere rkelic.
6Mkkesa cenga rkelic ka heya,
ma mkkere rkelic kndkilan na,
Smluhe qmerac uqun,
kiya ka mekan seediq ka heya.
7Hrahun na ka pnharac qnalang sapah gaga niqan qbsuran paru,
betaq wada sqada ka alang.
Ado hrenang na mdiras mngaangal,
wada laxun kana ka ddxeral ma mneeniq ckceka hiya.
8Kiya de mtqiri qqlhangan,
peeyah knkingal qlhangan meeyah mccebu heya,
sqada daha kadi ka bobo heyi na,
qrapi daha tnraki beling.
9Dongun daha laling ma psaun daha rawa,
desun daha qbsuran paru Babirun hiya,
leban daha tibu ka heya,
kiya ka ini qbahang hrenang na mosa dgiyaq ka Israel.
10Mntena qhuni lipas ka bubu su,
meeniq ckceka qnpahan lipas,
phmaun daha ssiyo qsiya, ado msngari ka qsiya,
kiya ka egu gnhiyan na ma ciida na.
11Mheru mkkere riyung ciida ka heya,
tduwa maangal hukuc beyax mpqlahang.
Ciida nii we gisu phyegun ckceka egu ciida,
ado egu ba ka cida na ma rmawiq ba taan.
12Kiya de lipas nii we gnabil ma qnada dxeral seang.
Pnkdengu bgihur ka heyi na,
ririh wada gremun betaq mdengu ka mkkere ciida,
kiya de wada psqmaun puniq.
13Saya de wada brahun hmeruy phuma tadus brenux ka qhuni lipas nii,
dxeral keruh mdengu uka qsiya.
14Cmriyu peeyah cida ka puniq,
wada na psqmaun ka cida ma heyi na.
Kiya ka betaq uka ka mkkere ciida,
uxe mpdoi hukuc beyax mpqlahang.
Uyas tsdamac ka nii, ma uyas tsdamac kiya.
Currently Selected:
Yexejqel 19: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
