Yexejqel 15
15
Pnungalan Kari Tlulu
1Meyah kenan ka kari Utux Tmninun ma rmengo, 2“Laqi seediq! Gaga inu knmalu na ka cida lipas pntnaun kana qqhuni gaga ckceka nrao ho? 3Qyqeya maanu ka smlean peeyah tlulu ho? Ye ini huwa slmeun xiluy qyanun qyqeya ani maanu bobo na ho? 4Qtai! Gaga ngalan qhuni sqada ckceka puniq ma, gisu sqama peeyah daha puting ma, msqerun peeyah ckceka daha uri. So kiya de maanu rrihan na dungal ho? 5Qtai! Ani malu bale han we, uka ngngalan smmalu qyqeya. Huwa kesun mangal dungal ka wada msqerun sqama di peni? 6Maanu so kiya de, so nii kari na ka Utux Tmninun Bukung, wada mu huwa kesun ngalun qhuni psqama ckceka puniq ka lipas gaga nrao de, maha mntena so nii ka seediq Yerusalem. 7Mbege ku qilu dheya ka yaku. Ani yaa qduriq pneeyah ckceka puniq ka dheya, ida mpsqama dheya ka puniq. Mege ku qilu dheya ciida, kiya ka mpkela namu, yaku ka Utux Tmninun Bukung. 8Ado ndaan daha tbrinah, maha mu ngalun qnada uka rrihan ka dxeral nii. So nii ka rnengo Utux Tmninun Bukung.”
Currently Selected:
Yexejqel 15: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
