Mege Gaya 34
34
Hnqilan Moseh
1Mgkala dgiyaq Nebo peeyah breenux Moab ka Moseh, betaq bobo dgiyaq Pisgah sipo Yerixo. Utux Tmninun we spqita na heya ka kana dxeral: Kiya ka peeyah Gilad betaq Dan, 2kana dxeral Naptaliy, dxeral Eprayim, Menaseh, kana dxeral Yehudah betaq rcilung quri pryaxan hido, 3Negeb, peeyah alang sbiki paru brenux Yerixo betaq Coar. 4Rmengo Moseh ka Utux Tmninun: “Nii we kiya dxeral sntangan mu Abraham, Yijxaq ma, Yakobu, rmengo: ‘Bbege mu lqlaqi mnslutuc su ka dxeral nii.’ Pqtaan su mu doriq su saya. Kiya we uxe su mtaril hiya ka isu.” 5Kiya de Moseh we, tnqliyan Utux Tmninun mhuqil dxeral Moab hiya da. Mntena so rnengo Utux Tmninun. 6Utux Tmninun we reesun na dxeral Moab, ayu sipo Bet Peor hiya. Ani so kiya we, betaq saya, uka ani ima ka mkela habung na. 7Mhuqil ciida ka Moseh we 1'20 knkawas na. Ini ksrumo ka doriq na, mbbeyax ba ka heyi na. 8Seediq Israel ge, moda tsdamac lmingis 30 ali quri Moseh niqan daha breenux Moab hiya. Hani mnhedu ka ali tsdamac lmingis quri Moseh.
9Yehosua laqi Nun we, ado pnosa baga heya ka Moseh ma, kiya de stngayan Bgihur Utux ka heya. Mbahang heya ka seediq Israel. Muyu tnugesa Utux Tmninun rnengo na Moseh moda ka dheya. 10Bobo na de, ckceka Israel we uka ka mpgeela kari mntena so Moseh. Heya we nklaan tnddqeras bale Utux Tmninun ka heya. 11Utux Tmninun we, snkagul heya mlatac peeyah dxeral Micrayim, mnoda lmlamu pnskraya qneepah quri Paroh ma, kana qbsuran mdudul ma, kana dxeral na ka heya. 12Kiya uri we ptuura paru beyax baga na meniq doriq seediq Israel ma, mnoda kana ooda paru bale sklwiun.
Currently Selected:
Mege Gaya 34: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
