Mege Gaya 3
3
Ini Baka Mccebu ka Og Qbsuran Paru Basan
(Spe 21:31-35)
1“Mspgeriq ta moda elu osa quri Basan. Madis kana supi na meyah smterung kmremux Edrei hiya ka Og qbsuran paru Basan. 2Rmengo kenan ka Utux Tmninun: ‘Iya kcugi ka heya! Ado wada mu sbege baga su ka heya, dseediq ma dxeral na. Pntnaani so Sixon qbsuran paru seediq Amori gaga meniq Xesbon ka heya uri.’ 3Kiya de Utux Tmninun, Utux Baro ta we sbege na ita uri ka Og qbsuran paru Basan ma kana seediq na. Wada ta phqilun ka heya ma, ini ta rngii ani kingal heyi. 4Ciida, wada ta ngalun kana ka alang na. Pspuun kana we 60 alang, uka ka msngari na ini ta ngali. Nii ge kiya ka kana dxeral Argob ma, qnlhangan Og qbsuran paru Basan. 5Lualang nii we to mgdehu niqan bbaro ba pnharac qnalang ma, pdhegun ba rhengun. Duma na nii egu ka alang uka pnharac qnalang mtqiri uri. 6Wada ta phqilun kana da, mntena so noda ta Sixon qbsuran paru Xesbon, wada ta phqilun kana ka rseno, mqedil, rudan ma, lqlaqi mneniq alang hiya. 7Wano ba kana tnbugan ma qyqeya ckceka alang hiya we wada ta ngalun nanak ka kiya. 8Ciida, wada ta glekun mangal ka dxeral gaga quri nklaan hido yayung Yarden peeyah baga 2 qbsuran paru seediq Amori. Kiya ka peeyah ayu Arnon betaq dgiyaq Xermon. 9Dgiyaq Xermon we Siryon kesun daha tmngayan ka seediq Cidon. Seediq Amori we Senir kesun daha tmngayan kiya. 10Wada ta glekan ka lualang breenux, kana dxeral Gilad ma Basan betaq Salkah ma Edrei. Kana lualang qnlhangan Og qbsuran paru Basan ka nii. 11Wano ba Og qbsuran paru Basan ka knrngiyan seediq Ripayim. Qtai! Qlapo na we snmalu xiluy. Pnooda baga seediq smeung ka qndisan na we 9 sese, knuglahang na we 4 sese. Uxe gaga meniq Rabah seediq Amon hiya saya da peni?”
Maasu Dxeral Quri Nklaan Hido Yayung Yarden
(Spe 32:1-42)
12“Ciida, wada ta ngalun ka dxeral nii. Wada mu sbege seediq Reuben ma Gad ka peeyah Aroer ssiyo Yayung Arnon lmutuc dmeka dxeral dgiyaq Gilad ma, lualang na gaga hiya. 13Wada mu sbege pnswayan rudan Menaseh ka dmeka msngari dxeral Gilad ma kana dxeral Basan, kiya ka qnlhangan Og. Kana qnlhangan dxeral Argob kiya ka kana dxeral Basan. Dxeral Ripayim kesun daha tmngayan uri. 14Yair lqlaqi laqi Menaseh we mnangal kana dxeral Argob betaq ayus dxeral seediq Gesur ma Maakah. Kiya de spooda ngayan daha tmngayan ka dxeral nii. Kiya ka Basan tmngayan ka Habuc Yair betaq saya. 15Wada mu sbege Makir ka Gilad. 16Peeyah Gilad betaq ayu Arnon we wada mu biqan seediq Reuben ma Gad. Kiya de ckceka ba ayu ka pntaayus quri toma betaq yayung Yaboq ayus seediq Amon. 17Dungal we Arabah ma dxeral smdaling yayung Yarden peeyah Kineret betaq yayung Araba, kiya ka rcilung Mhuqil ma, dxeral quri nklaan hido deriq dgiyaq Pisgah.
18Ciida, rmnengo ku yamu: ‘Utux Tmninun, Utux Baro namu we wada na sbeege yamu ka dxeral nii. Asi ka madis qyqeya mccebu ka supi, hmrinas berah mtswai namu seediq Israel. 19Kiya de, ani nak meeniq lualang bnege mu ka mqedil, lqlaqi ma, tnbugan namu. Mkela ku egu ba ka tnbugan namu. 20Tara mntena so yamu pbleyaq mtswai namu ka Utux Tmninun meniq icil yayung Yarden ma, dehuk mangal dxeral bnege Utux Tmninun, Utux Baro daha. Kiya de mptduwa namu mpbrinah dxeral bnege mu yamu ka yamu.’ 21Ciida, rmnengo ku Yehosua: ‘Wada su ba qtaan ka Utux Tmninun, Utux Baro namu wada mchaya noda na 2 qbsuran paru. Pntnaun mchaya Utux Tmninun ka kana qlhangan qbsuran paru ssaun namu hiya uri. 22Iya kcugi ka dheya. Ado rmirih yamu mcceebu ka Utux Tmninun, Utux Baro namu.’”
Ini Srwai Mremux Kenaan ka Moseh
23“Ciida, dmurun ku ba Utux Tmninun: 24‘Utux Tmninun Bukung! Wada saku sprading pgkela tnqliyan su ka knpruwan su ma paru beyax ka baga su. Meniq karac baro ma meniq bobo dxeral we, uutux mniima ka maha mntena isu, so nii niqan paru beyax qneepah ho? 25Braho su bale, pntaril ku yayung Yarden, sai ku pqita malu dxeral, kiya ka knmalu riyung dgiyaq ma Lebanon.’ 26Kiya de, riirih yamu wada mseang kenan ka Utux Tmninun de ini ku na srwai. Rmengo kenan ka Utux Tmninun: ‘Kiya da, baka da! Iya npsali rmengo kenan ka nii da! 27Osa mnkala bungu dgiyaq Pisgah, pquri nklaan hido, pryaxan hido, quri toma ma daya mita ka doriq su. Pdai doriq su qmita, ado uxe su mptaril yayung Yarden ka isu. 28Kiya we mpskagul su Yehosua, mpdudul ma mpsbeyax su heya. Ado maha moda berah seediq nii mtaril hiya ka heya. Maha mangal dxeral qntaan su ka dheya.’ 29Kiya de tghetur nami meniq ckceka ayu sipo Bet Peor hiya.”
Currently Selected:
Mege Gaya 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
