Mege Gaya 13
13
1“Nasi pquri isu ptuura pnskraya ma sklwiun noda ka mpgeela kari ma, dseediq msepi ckceka namu, 2betaq wada bale ba ka pnskraya ma sklwiun rnengo na yamu de, rmengo: ‘Nita smnegul utux icil, thmuku ta dheya da.’ Kiya we uxe namu nklaan. 3Iya bhangi ka kari mpgeela kari ma dseediq msepi kiya. Ado gisu smeung dyamu ka Utux Tmninun, Utux Baro namu. So mpkela ya namu bale pooda kana lhebun ma lnglungan gmaalu Utux Tmninun, Utux Baro namu. 4Asi namu ka mbahang Utux Tmninun, Utux Baro namu, miicu heya, muyu gaya pndakar na, mbahang kari na, thmuku heya ma smnegul riyung heya. 5Asi ka phqilun ka mpgeela kari ma dseediq msepi. Ado pptbrinah Utux Tmninun, Utux Baro namu, kiya ka dmnudul yamu peeyah Micrayim ma, dnoi baga yamu mnlatac peeyah sapah tnquli yamu hiya. Kmpsridil platac elu ddaun namu rnengo Utux Tmninun, Utux Baro su ka dheya. So kiya de, gisu su pkngalun peeyah ckceka namu ka qnnaqah da.
6Ani mtswai su, lqlaqi su, uxe uri we mqedil sgaalu su bale ma, dangi ngalun su knuudus su, nasi tgleing kmpsridil isu, rmengo: ‘Nita thmuku utux icil da.’ Kiya ka uxe bale nklaan dyamu ma ddrudan namu. 7Duutux qnhlangan ssiyo su, ani smdaling isu ma smtheya isu ma, peeyah dxeral hini ma, betaq dxeral hiya. 8Iya bale tuumal heya ma, iya bale qbahang heya uri. Iya bale krwahi meniq doriq su. Iya bale kdkari. 9Asi su ka phqilun ka heya. Isu ka mprading na, kiya de mpsnegul ka dseediq ma pphuqil heya. 10Angal btunux phuqil heya. Ado kmpsridil isu platac Utux Tmninun, Utux Baro su dmnudul isu peeyah Micrayim sapah tnquli isu ka heya. 11Mbahang so nii ka kana seediq Israel de mpkiicu ma, uxe mpnpusal niqun ka so nii qnnaqah yamu hiya.
12Nasi su mbahang rmengo ka seediq, meniq 1 alang ckceka lualang bnege na peeniq yamu ka Utux Tmninun, Utux Baro su, 13niqan ka duma seediq naqah peeyah ckceka namu, meyah psridil dseediq lualang hiya, rmengo: ‘Nita thmuku utux icil da.’ Kiya ka uxe namu nklaan. 14Kiya de asi su ka ndwaun bale smiling, mbahang, tlleus migin. Qtai! Gisu bale ba. Bale ba niqan so nii pqnqihun noda gaga ckceka namu. 15Asi su ka phqilun hlmadac ka kana seediq hiya. Asi su ka phqilun kana, ani tnbugan we phqilun su hlmadac kana. 16Psseli pssliyan alang ka kana qyqeya gnlekan su. Sqmai puniq biqi Utux Tmninun, Utux Baro su ka kana qyqeya gnlekan su peeyah ckceka alang. Maha alang nlaxan ma uxe slmeun ani betaq knuwan ka kiya. 17Qyqeya snqmaan we, ani biciq iya bale sqpahi baga su. So uxe mpquri isu mseang sunan ka Utux Tmninun ma, krinah gmhuwe ma gmaalu sunan. Mpuyu sndhegan na pusu rdrudan su mrana dseediq su. 18Ado mbahang su kari Utux Tmninun, Utux Baro su ka isu. Muyu su kana kari pndakar rnengo mu sunan ali saya ma, moda su msderux noda meniq ckceka doriq Utux Tmninun, Utux Baro su.”
Currently Selected:
Mege Gaya 13: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
