Amos 8
8
Utux so Rawa heyi Pnhgalang
1Utux Tmninun Bukung we pqtaan ku na 1 oda dungal. Qtai! Niqan 1 rawa heyi rbagan. 2Rmengo ka heya: “Amos, qmnita su manu?” Cmiyuk ku: “1 rawa heyi rbagan.” Rmengo kenan ka Utux Tmninun:
“Qnhdean seediq mu Israel we dehuk da,
uxe ku mpsruwa dheya da.
3Ali ciida, uyas sapah qbsuran paru we mpkpriyux tnugedux lmingis.
Ani inu we gaga sqada hiya ka bqerus seediq mnhuqil,
mgmelux uka ba hrenang.”
Rnengo Utux Tmninun Bukung ka nii.
Qnhdean Israel
4Yamu nii qmleqah dseediq qrinuc,
pqnaqah dseediq mqraqil dxeral nii we,
qbhangi ka kari nii!
5Rmengo namu: “Mpqhedu knuwan ka ali pnrdingan idas,
klaun mu mosa mbaruy uqun.
Mpqhedu knuwan ka ali sngayan,
klaun mu mosa phido uqun knetuy.
Slmeun mu biciq ka igipa,
slmeun mu paru ka skere,
mpdoi ku mberiq seengan mpqberiq ku seediq.
6Mdoi ku ging maruy seediq qrinuc,
mdoi ku 1 ramil mpriyux ku seediq qrinuc,
sbaruy mu mugi naqah ka seediq.”
7Utux Tmninun we tmiyu pnparu Yakobu smdehu rmengo:
“Kana noda na we, uxe mu ba chngiun.
8Ririh oda nii uxe mplgelu ka dxeral ho?
Uxe mpqnaqah kuxul ka seediq meeniq hiya ho?
Mptena so yayung Yeor mpgkala ka kana dxeral,
mptena so yayung Yeor Micrayim mpgkala ma meelih.
9Dehuk ka ali ciida,
mptuting pkelu ceka naali ka hido,
mpkuung diyan ka dxeral nii.
Rnengo Utux Tmninun Bukung ka nii.
10Smseman namu we kmpryuxun mu mnbasi,
kmpryuxun mu uyas mnbasi ka kana uyas namu.
Plkusun mu lukus mbasi ka seediq,
kgusun mu kana ka snuunux namu.
Mpqnaqah namu ba kuxul mntena so wada namu gmrahuq 1 ba laqi rseno,
qnhdean nii we mntena ali qnaqah ba kuxul.
11Qtai! Dehuk ka ali da,
Pdaun mu krayan ka kana dxeral.
Knuure daha we uxe knuure uka uqun ma, knhrqeni daha we uxe knuuka qsiya mahun,
pusu ba we ini qbahang kari Utux Tmninun.
Rnengo Utux Tmninun Bukung ka nii.
12Mpqluli peeyah rcilung nii betaq rcilung hiya ka dheya,
mpeeyah tgbaro betaq nklaan hido, ini sange tmmalang,
migin kari Utux Tmninun, kiya we, uxe mpsdiyal ka dheya.
13Ali ciida, rsriso ma weewa we,
knhrqeni daha tggerung mptakur.
14Tniyu qnquwan noda Samareia smndehu we, rmengo:
Dan! Mpsdehu miyan duutux su hiya.
Rmengo dungal:
Mpsdehu miyan elu ooda Beerseba.
Mptakur kana ka dseediq nii ma, uxe mpnpusal mheyu ka dheya.”
Currently Selected:
Amos 8: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
