Amos 7
7
Utun Qntaan so Utux
1Utux Tmninun Bukung we pqtaan ku na 1 oda, pkelu msrnabo hmeru ka pnhuma. Qtai! Smnalu utun ka Bukung. Qtai! Qnbrungan hmneru msrnabo ka qbsuran paru. 2Mhedu mekan kana pnhgalang ciida ka utun, rmengo ku:
“Utux Tmninun Bukung! Ani su ba rabang srwai bale.
Ado biciq ba ka Yakobu,
huwa mesa mheyu ka heya ho?”
3Utux Tmninun we, psbgrnahun na lmngelung ka nii,
rmengo ka Utux Tmninun:
“Tduwa mu laxun ka mqraqil nii da.”
Puniq so Teutux
4Pqtaan ku na 1 oda dungal ka Utux Tmninun Bukung. Qtai! Utux Tmninun Bukung we posa kari puniq mooda psgao, kiya de wada rmequn pusu ebun toma ma mhedu psqama pusu dnoi ka puniq. 5Kiya de rmengo ku:
“Utux Tmninun Bukung! Ani ba rabang baka da.
Ado biciq ba ka Yakobu,
huwa mesa mheyu ka heya ho?”
6Utux Tmninun we, psbgrnahun na lmngelung ka nii,
rmengo ka Utux Tmninun Bukung:
“Tduwa mu laxun ka mqraqil nii da.”
Teutux So Snuyuk Qreti Pnswilan
7Pqtaan ku na 1 oda dungal ka heya. Qtai! Gisu dmoi snuyuk qreti ka baga na ma, mheyu ssiyo pnharac qnalang alang hani snmalu snuyuk qreti. 8Rmengo kenan ka Utux Tmninun: “Amos, Qmnita su manu?” Cmiyuk ku: “Negul snuyuk.” Rmengo ka Bukung:
“Qtai! Meeniq ku seediq mu Israel,
mpslwilun mu ka snuyuk qreti,
uxe ku mpsruwa dheya.
9Hrahun ka spuhan Yijxaq,
hrahun uri ka sapah thmkuwan Israel.
Mpstotuy ku hlmadac mccebu ku sapah Yarabeam.”
Amos ma Amajyahu
10Msapuh Beytel ka Amajyah we smkagul quri Yarabeam qbsuran paru Israel ma rmengo: “Amos we gaga pkdudul seediq su pptbrinah daha quri sunan ma, kana rnengo na kari we, uka ba kklaan mheal. 11Ado rmengo so nii ka Amos:
‘Yarabeam we phqilun hlmadac,
maha qrapun ka seediq Israel,
mplatac peeyah dxeral hini.’”
12Kiya de rmengo Amos ka Amajyah: “Isu mpgeela kari! Osa qduriq dxeral Yehudah, osa meeniq hiya ma, sai rmengo hiya ka kari pgeela. 13Iya rngagi kari pgeela ka Beytel hini, ado niqan sapah thmkuwan qbsuran paru ma, sapah qbsuran paru ka hini.”
14Rmengo Amajyah ka Amos: “Yaku we uxe ku mpgeela kari han, uxe ku tnugsaan dmpgeela kari uri. Mtabu ku miric ma mpqlahang ku qnpahan nunuh mpqeepah ku dxeral ka yaku. 15Utux Tmninun ka dmnudul kenan: ‘Latac, osa gmarang kari pgeela quri Israel seediq mu’.
16Saya, qbahang kari Utux Tmninun ka isu.
Rmnengo su: Iya rengo kari pgeela quri Israel ma,
Iya rngagi kari ka sapah Yijxaq uri.
17Maanu so kiya, rmengo so nii ka Utux Tmninun:
Mqedil su we mpmuqedil kbrexun alang,
lqlaqi su we mptakur toma hlmadac.
Mdoi sniyuk pssugun seediq ka dxeral su,
isu we mphuqil su dxeral ini kbgurah.
Qrapun ka seediq Israel,
mplatac peeyah dxeral hini.”
Currently Selected:
Amos 7: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
