Amos 4
4
1Dyamu bubu dapa Basan dgiyaq Samareia nii!
Qbhangi ka kari nii!
Tmsiiyax namu seediq muuwic ma, tmraqil namu seediq qrinuc,
rmengo namu tnpusu sapah: “Peeyah ka sino, mahun miyan!”
2Tmiyu knrtaso na heya nanak smdehu ka Utux Tmninun Bukung:
“Qtai! Dehuk ka ali, mdoi laling mplaling yamu ka seediq,
mplaling qhdean ba yamu ka laling.
3Mpeeyah namu beling qnabil alang qduriq nganguc ka yamu,
txtaxa namu mpquri namu tgberah mosa,
mosa namu sntama Harmon.
Rnengo Utux Tmninun ka nii.
Ini Baka ka Israel
4Seediq Israel! Pdai nanak lnglungan namu mquri Beytel meepah qnquwan noda,
mosa namu Gilgal prana qnquwan noda namu,
mgrebu klaali mbege namu snapuh,
mk3 ali mbege namu 1 tnugmxalan.
5Ani namu mege snapuh qnaras niqan tgeda,
pgkela snapuh pneeyah lnglungan namu ma, pqbhangun namu seediq,
ado kuxul namu ka so nii.”
Rnengo Utux Tmninun Bukung ka nii.
6“Psbgurah ku rupun knkingal alang namu,
mpsetuq ka uqun namu,
kiya we ida namu ini brinah kenan.”
Rnengo Utux Tmninun ka nii.
7“Tgberah 3 idas moda qmburung ciida,
uxe ku mpquyux yamu hiya,
mpquyux ku alang nii,
uxe ku mpquyux alang kiya.
Niqan quyux ka dxeral nii,
ida mpkdengu ka dxeral uka quyux kiya.
8Mkkiyux mosa 1 alang migin qsiya mahun ka 2 uxe we 3 alang,
kiya we ida ini tuku mahun,
kiya we ida namu ini brinah kenan.”
Rnengo Utux Tmninun ka nii.
9“Mdoi ku mtilux bgihur ma msburo cmebu yamu,
egu sama pnhmaan, qnpahan lipas,
qhuni nunuh ma qhuni curung we uqun msalak kiya,
kiya we ida namu ini brinah kenan.”
Rnengo Utux Tmninun ka nii.
10“Mpeeyah ku mnarux mpunu yamu hiya,
mntena so Micrayim.
Mdoi ku hlmadac mphuqil ku rsriso namu ma,
ddapa dmay wada qrapun,
skenux bale ka kobu supi,
kiya we ida namu ini brinah kenan.”
Rnengo Utux Tmninun ka nii.
11“Mptakur ku yamu,
mntena so Utux Baro pnkuuka Sedom ma Amorah.
Mntena namu 1 qhuni dnoi mu baga pneeyah ckceka rana puniq,
kiya we ida namu ini brinah kenan.”
Rnengo Utux Tmninun ka nii.
12“Maanu so kiya de seediq Israel! Mpkeso nii ka oda mu yamu.
Ado mpkeso nii ka oda mu yamu,
Israel!
Psramal qmita Utux Baro namu ka yamu.”
13Qtai! Snalu dgiyaq, bgihur, posa lhebun tmgesa seediq,
Kmpryuxun na keeman ka ledax mgrebu, qmleqah dxeral gaga tgbaro,
ngayan na we Utux Tmninun, Utux Baro Mdoi Kana Supi.
Currently Selected:
Amos 4: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
